İşə getmək üçün 4000 kilometrdən çox məsafə qət edir

Pyotr və Aqneşka Sutovski Mərakeşdə hotel yaradıblar, lakin kişi hələ də Polşaya qayıdaraq təcili yardım həkimi kimi çalışır.

Lent.az xəbər verir ki, polyak ər-arvad Pyotr və Aqneşka Sutovskilər Mərakeşə köçərək Buzami şəhərində Dar Ines adlı hotel təsis ediblər. Bununla belə, Pyotr mütəmadi olaraq Polşaya qayıdır və orada təcili tibbi yardım həkimi kimi işləməyə davam edir. Orta hesabla o, hər üç həftədən bir Polşaya uçur və növbəsini başa vurduqdan sonra yenidən Mərakeşə qayıdır.

Cütlüyün sözlərinə görə onlar üçün bu köç taleyin bir hədiyyəsi olub. Aqneşka əlavə edir ki, hoteli əsasən polyak turistlər ziyarət edir və ər-arvad qonaqlara ölkənin gözəlliyini, eləcə də mərakeş mentalitetini tanıtmağa çalışırlar.
Sutovskilər hələlik Polşaya birdəfəlik qayıdıb-qayıtmayacaqlarına qərar verməyiblər, lakin əmindirlər ki, bu köç həyatlarında verdikləri ən doğru qərarlardan biri olub.

Telegramda izləyin