"Dünyanın ən gözəl qızı" estetik iddialarına sərt reaksiya verdi

Cəmi 6 yaşında olarkən Vogue Enfants jurnalının üz qabığında yer alaraq "dünyanın ən gözəl qızı" seçilən və bu adla bütün dünyada tanınan məşhur model Thylane Blondeau haqqında səsləndirilən estetik əməliyyat iddialarına sərt cavab verib.

Sonxeber.az xarici mediaya istinadən xəbər verir ki, hazırda 24 yaşında olan model illərdir davam edən bu şərhlərdən bezdiyini bildirib.

Gənc yaşda moda dünyasına addım atan və uğurlu karyera quran Thylane Blondeau zamanla podiumların diqqətçəkən simalarından birinə çevrilib. Son günlər Paris Moda Həftəsindəki görüntüləri ilə yenidən gündəmə gələn model, sosial mediada artan estetiklə bağlı iddialara susmayıb.

Blondeau yayımladığı açıqlamada söz-söhbətlərə belə reaksiya verib:
"Bu cür şərhlərdən bezmişəm. Gənclik illərimdə çəkilən fotolarıma baxa bilərsiniz, heç nə dəyişməyib. 10 yaşımdan bəri insanlar üzümə nəsə etdirdiyimi deyir. Buna artıq son verməyin vaxtıdır."

Model özü ilə bağlı şişirdilmiş təriflərin də onu narahat etdiyini qeyd edərək fikirlərini belə davam etdirib:
"Bu gün belə insanlar məni görəndə ‘Sən dünyanın ən gözəl qızısan’ deyirlər. Xeyr, hələ də deyiləm. Mən sadəcə bir insanam."

Məşhur modelin bu açıqlaması sosial mediada geniş müzakirələrə səbəb olub.

Telegramda izləyin