Ölümcül təhlükəlidir: suçiçəyinin əlamətləri

Suçiçəyi ən çox uşaqlarda rast gəlinən, lakin böyüklərdə də baş verə bilən geniş yayılmış infeksion xəstəliklərdən biridir.

Lent.az xarici mediaya istinadla bildirir ki, böyüklərdə suçiçəyi adətən daha ağır keçir və ciddi ağırlaşmalara səbəb ola bilər.

Böyüklər üçün bu xəstəlik həyati təhlükəyə çevrilə bilər

Suçiçəyi Varicella-zoster virusunun yaratdığı xəstəlikdir. Bu virus herpesviruslar ailəsinə aiddir və insan orqanizmində ömür boyu qala bilməsi ilə xarakterizə olunur.

Suçiçəyi virusu böyüklər üçün xüsusilə təhlükəlidir, çünki onların immun sistemi infeksiyaya daha aqressiv reaksiya verir. Bu isə daha ağır simptomlara və ağırlaşmalara gətirib çıxara bilər. Statistikaya görə, əhalinin təxminən 90 faizi suçiçəyini uşaqlıqda keçirir. Lakin böyüklərin təxminən 10 faizi bu infeksiyaya qarşı həssas olaraq qalır.

Ən təhlükəli ağırlaşmalara aşağıdakılar daxildir:

ağır pnevmoniya, bu da tənəffüs çatışmazlığına səbəb ola bilər

ensefalit (beyin iltihabı), ölümcül nəticələrə və ya əlilliyə gətirib çıxara bilər

hepatit, nefrit və daxili orqanların digər zədələnmələri

səpgilərin qaşınmasından sonra dəridə ağır bakterial infeksiyalar

Suçiçəyi xüsusilə təhlükəlidir:

hamilə qadınlar üçün (uşaqda ciddi anadangəlmə inkişaf qüsurları riski)

immun sistemi zəif olan insanlar üçün

tənəffüs və ya ürək-damar sisteminin xroniki xəstəlikləri olan insanlar üçün

Necə qorunmaq olar

Yeganə etibarlı qorunma yolu vaksinasiya (peyvənd)dır. Peyvənd suçiçəyi keçirməmiş və uşaqlıqda vaksin olunmamış böyüklər üçün tövsiyə olunur. İnfeksiyanın yayıldığı dövrlərdə xəstə insanlarla təmasdan da uzaq durmaq lazımdır.

Telegramda izləyin