İran və Oman Hörmüz boğazında gəmilərin hərəkətini müzakirə ediblər

İranın xarici işlər naziri Abbas Əraqçi özünün "Telegram" kanalında İranla Oman arasında mövcud olan dostluq münasibətləri çərçivəsində aparılan danışıqlarda Hörmüz boğazı vasitəsilə hərəkət edən gəmilərin təhlükəsizliyi məsələsi diqqət mərkəzində olduğunu qeyd edib.

Sonxeber.az xəbər verir ki, Abbas Əraqçi Oman mövcud münaqişədə olduqca müsbət mövqe sərgiləyən, bizə yaxın və dost dövlət olduğunu da vurğulayıb.

Nazir həmçinin, bildirib ki, hər iki ölkə Hörmüz boğazı ilə sərhəddə yerləşdiyi üçün bu mövzuda fikir mübadiləsinin aparılmasına ehtiyac duyulurdu. Boğaz daxilində gəmilərin təhlükəsiz hərəkəti qlobal əhəmiyyət daşıyır. Bu mühüm su yoluna nəzarət edən tərəflər kimi, biz ortaq mənafelərimizin qorunması məqsədilə fəaliyyətimizi sıx şəkildə koordinasiya etməliyik".

Telegramda izləyin