Rottweiler kiçik itə hücum etdi: Qadının qışqırıqları məhəlləni bürüdü - VİDEO

İstanbulun Ümraniye rayonunda ağızlıqsız şəkildə gəzdirildiyi iddia edilən rottweiler cinsli it bir qadının yanında olan kiçik cins itə hücum edib.

Sonxeber.az türk mediasına istinadən xəbər verir ki, hadisə zamanı ağır xəsarət alan kiçik it baytarlıq klinikasına aparılaraq təcili əməliyyata alınıb. Baş verənlər ətrafdakı bir sakin tərəfindən mobil telefon kamerası ilə qeydə alınıb.

Görüntülərdə qadının "öldürdü" deyə qışqıraraq köməyə çağırdığı, səsin isə bütün məhəllədə eşidildiyi görünür.

Hadisə sosial şəbəkələrdə geniş müzakirələrə səbəb olub. İstifadəçilər bir tərəfdən sahibin məsuliyyətsizliyini tənqid edir, digər tərəfdən isə ictimai yerlərdə belə təhlükəli itlərin ağızlıqsız gəzdirilməsinin qadağan olunmalı olduğunu bildirirlər.

Telegramda izləyin