13 yaşlı qızla görüşmək üçün 14 saat yol getdi, evə çatanda polislə qarşılaşdı - VİDEO

ABŞ-də 13 yaşlı qızla görüşmək məqsədilə təxminən 14 saat avtomobil idarə etdiyi bildirilən kişi polis tərəfindən saxlanılıb.

Sonxeber.az xarici mediaya istinadla xəbər verir ki, hadisənin uşaqlara qarşı cinsi cinayətlərin qarşısının alınmasına yönəlmiş əməliyyat çərçivəsində baş verdiyi bildirilir.

Məlumata görə, şübhəli internet vasitəsilə əlaqə saxladığı şəxsin 13 yaşında olduğunu bilib. Uzun yol qət etdikdən sonra görüş üçün müəyyən edilən ünvana gələn kişi evə daxil olduqdan qısa müddət sonra polislə qarşılaşıb və saxlanılıb.

Hadisə ilə bağlı yayılan məlumatlarda şübhəlinin Kolumbiyadan gəldiyi və ABŞ-yə qanunsuz yollarla daxil olduğu iddia edilir. Onun saxlanıldığı zaman ingilis dilini bilmədiyini dediyi də bildirilib.

Hadisə ilə bağlı araşdırma davam edir.

Telegramda izləyin