Yolda mübahisə etdiyi qadını yumruqlamağa başladı - VİDEO

İstanbulun Maltepe rayonunda küçənin ortasında qadına qarşı zorakılıq hadisəsi baş verib.

Sonxeber.az türk mediasına istinadənə xəbər verir ki, hadisə günorta saat 12:40 radələrində Küçükyalı məhəlləsində baş verib. İddiaya görə, kişi yanındakı qadını qolundan tutaraq zorla aparmaq istəyib. Qadın müqavimət göstərdikdə isə onun saçından çəkib, daha sonra yumruqlarla zərbələr endirib.

Aldığı zərbələrdən sonra ağlayan qadın bir müddət sonra özünü müdafiə edərək qarşılıq verib.

Bu zaman yoldan keçən motosikletli kuryer müdaxilə etmək istəsə də, qısa müddət sonra ərazidən uzaqlaşıb. Qadınla birlikdə yoluna davam edən hücumçu isə onu görüntüləyən şəxslərə qışqırıb.

Şübhəli şəxs ona irad bildirən başqa bir nəfərə də hücum edib. Araya girən insanlarla mübahisə edən kişi, onu saxlamağa çalışan başqa biri ilə də əlbəyaxa olub. Hadisə anı mobil telefon kamerasına düşüb.

Telegramda izləyin