Acun Ilıcalıya böyük şok!

Acun Ilıcalının sahibi olduğu Hull Citydə mövsümün həlledici mərhələsi ərəfəsində ciddi itki yaşanıb.

Sonxeber.az xarici mediaya istinadən xəbər verir ki, ,"İngiltərə Çempionşip"də ötən həftə Charlton Athletic səfərində keçirilən oyunda Hull City 2:1 hesabı ilə məğlub olub. Qarşılaşmanın 11-ci dəqiqəsində zədələnən Eliot Matazo oyunu davam etdirə bilməyib və meydanı tərk edib. Onun əvəzinə Paddy McNair meydana daxil olub.

Məlumata görə, daha əvvəl sol diz çarpaz bağlarından zədə alan 24 yaşlı yarımmüdafiəçinin bu dəfə sağ diz çarpaz bağlarının qopduğu açıqlanıb. Klub tərəfindən yayılan bəyanatda futbolçunun ciddi zədə aldığı bildirilib.

Eliot Matazo 2025-ci ilin fevralında keçirdiyi zədədən sonra 424 gün aradan sonra yenidən yaşıl meydanlara dönmüşdü. Lakin yeni zədə səbəbindən onun gələn mövsümün böyük hissəsində forma geyinə bilməyəcəyi qeyd olunub.

Sergej Jakirovic bildirib ki, futbolçunun start heyətində meydana çıxmasının riskli olduğu bilinirdi. Ancaq oyunçu və tibbi heyətlə aparılan müzakirələrdən sonra bu qərar verilib.

Qeyd edək ki, Hull City liqanın son turunda Norwich City ilə qarşılaşacaq. Pley-off zonasına düşmək istəyən komanda kritik görüş öncəsi bu zədə xəbəri ilə sarsılıb.

Telegramda izləyin