Reseptini özü kəşf etdi, 29 ildir eyni ədviyyatı satır

Türkiyənin Samsun şəhərində fəaliyyət göstərən bir ədviyyatçının illər əvvəl hazırladığı xüsusi ədviyyat qarışımı bu gün də böyük maraq görür.

Sonxeber.az türk mediasına istinadən xəbər verir ki, məlumata görə, ədviyyatçı 3 illik uzun sınaq və araşdırmalardan sonra 29 müxtəlif məhsulun qarışığından ibarət resepti uğurla əldə edib. O, "Osmanlı ədviyyatı" adını verdiyi bu xüsusi qarışımı artıq 29 ildir satışa çıxarır.

Qeyd olunur ki, illər keçməsinə baxmayaraq, məhsul öz populyarlığını qoruyub saxlayır. Sözügedən ədviyyat qarışımı yalnız Türkiyə daxilində deyil, eyni zamanda xarici ölkələrdən də sifariş edilir.

Ədviyyatçı bildirir ki, resept tamamilə özünə məxsusdur və uzun illərdir dəyişdirilmədən qorunur. Müştərilərin marağı isə ildən-ilə artmaqda davam edir.

Telegramda izləyin