Gənc qızın küçənin ortasında etdiyi rəqs tənqidlərə səbəb oldu - VİDEO

Son dövrlərdə xüsusilə xarici ölkələrdə populyarlaşan küçədə rəqs videoları Türkiyədə də gündəm mövzusuna çevrilib.

Sonxeber.az xarici mediaya istinadən xəbər verir ki, sosial mediada paylaşılan görüntülərdə gənc bir qadının İstanbul küçələrindən birində musiqi sədaları altında rəqs etdiyi və ətrafdakı insanların təəccüblü baxışları arasında video çəkdiyi əks olunub.

Qadının rahat davranışları və küçənin ortasında sərgilədiyi performans qısa zamanda minlərlə istifadəçi tərəfindən paylaşılıb və müxtəlif reaksiyalara səbəb olub.

Görüntülərdə arxa planda polis avtomobilinin görünməsi də sosial şəbəkə istifadəçilərinin diqqətini çəkən detallardan biri olub.

Bəzi istifadəçilər videonu "əyləncəli" və "özünəinamlı davranış" kimi qiymətləndirərək qadına dəstək veriblər. Digərləri isə ictimai yerlərdə bu cür məzmunların çəkilməsini tənqid edib.

Xüsusilə TikTok və Instagram platformalarında sürətlə yayılan "küçədə rəqs etmə" trendinin Türkiyəyə gəlməsi sosial mediada fərqli fikirlərin yaranmasına səbəb olub. Bir qrup istifadəçi "Heç kimə zərər vermir, istədiyi kimi əylənə bilər" fikrini müdafiə etsə də, digər qrup "Cəmiyyət içində belə görüntülər normallaşdırılmamalıdır" deyərək narazılığını ifadə edib.

Son vaxtlar sosial media fenomenləri arasında küçə performansı videolarının artdığı müşahidə olunur. Mütəxəssislər isə diqqət çəkmək və viral olmaq məqsədilə hazırlanan bu tip məzmunların artıq sosial media mədəniyyətinin yeni bir hissəsinə çevrildiyini bildirirlər.

Telegramda izləyin