Gəlinin mehir istəyi gündəm oldu: "İtaliyada villa" tələbi - VİDEO

İmam nikahı zamanı yaşanan maraqlı hadisə sosial şəbəkələrdə gündəm olub. Gəlinin mehir olaraq "İtaliyada yaylıq villa" tələb etməsi mərasimdə iştirak edənləri həm təəccübləndirib, həm də güldürüb.

Sonxeber.az türk mediasına istinadən xəbər verir ki, gəlinin qeyri-adi istəyi ilk anda hər kəsdə təəccüb yaradıb. Həm gəlin tərəfi, həm də bəyin yaxınları bu tələbə gülərək reaksiya veriblər. Nikah şahidləri də maraqlı anlara şahidlik edib.

Diqqət çəkən əsas məqam isə bəyin bu tələbi qəbul etməsi olub. Cütlüyün səmimi dialoqu və əyləncəli anları qısa müddətdə sosial mediada geniş yayılıb.

Hadisə istifadəçilər arasında da müzakirələrə səbəb olub. Bəziləri bunu zarafat kimi qiymətləndirsə də, digərləri gəlinin istəyini "ən iddialı mehir tələblərindən biri" adlandırıblar.

Telegramda izləyin