Gəlinliklə uçdu, hər kəs bəyi soruşdu, reallıq tam başqa çıxdı - VİDEO

Bursanın Osmangazi rayonunda yaşayan və 16 il əvvəl ailə quran Funda Çiçekçi illərdir arzusunda olduğu "gəlinliklə uçmaq" istəyini həyata keçirmək üçün yamac paraşütü ilə havaya qalxıb.

Sonxeber.az xarici mediaya istinadən xəbər verir ki, gəlinlik geyimində metrlərlə yüksəyə qalxan qadının uçuşu səmada rəngarəng görüntülər yaradıb. Həmin anlar havadan da lentə alınıb.

Bursa səmasında gəlinliklə uçan qadını görən bəzi vətəndaşlar bunun toy çəkilişi olduğunu düşünüb. Enmə meydançasında toplaşan şəxslər isə Funda Çiçekçidən bəyin harada olduğunu soruşublar. Qadın hadisənin əsl səbəbini danışdıqda ətrafdakılar təəccüblərini gizlədə bilməyiblər.

Uzun illər sonra arzusunu reallaşdırdığını deyən Funda Çiçekçi bildirib ki, həmişə gəlinliklə uçmaq xəyalı olub:

"Bu arzumu həyata keçirdim və çox xoşbəxtəm. Diqqət çəkmək istəyirdim, amma düşündüyümdən daha çox diqqət çəkdim. Məni axtaranlar oldu, yenidən evləndiyimi düşünənlər də vardı. Amma hələ də evliyəm və xoşbəxtəm", - deyə o bildirib.

İki uşaq anası olan qadının gəlinliklə həyata keçirdiyi cəsarətli uçuş sosial şəbəkələrdə də maraqla qarşılanıb.

Telegramda izləyin