Məzuniyyət fotosessiyası üçün timsahı öpdü

ABŞ-də universitetdən məzun olan gənc qadının timsahla etdirdiyi qeyri-adi fotosessiya sosial şəbəkələrdə geniş müzakirələrə səbəb olub.

Sonxeber.az xarici mediaya istinadla xəbər verir ki, təbiət elmləri ixtisasını bitirən gənc qadın məzuniyyət fotosu üçün Texasdakı timsah parkında 4,2 metr uzunluğunda "Big Al" adlı timsahla təhlükəli pozalar verib. O, suyun içində timsahın burnunu öpərkən foto çəkdirib, hətta məzuniyyət kepkasını da heyvanın burnunun üzərinə yerləşdirib.

Gənc qadın bildirib ki, uşaqlıqdan vəhşi heyvanlarla iç-içə böyüyüb və timsahların düşünüldüyü qədər aqressiv olmadığını hesab edir. O, hazırda nişanlısı ilə birlikdə həmin parkda çalışır.

Fotosessiya zamanı yalnız timsahla deyil, zəhərli ilanla da şəkil çəkdirən qadın sosial mediada həm heyranlıq, həm də narahatlıq yaradıb.

Çəkilişi həyata keçirən fotoqraf Laura Oglesbee isə istifadə olunan heyvanların xüsusi təlim keçdiyini desə də, çəkilişin kifayət qədər riskli olduğunu etiraf edib.

Telegramda izləyin