Metrlərlə yüksəklikdən yıxılan pişiyi xilas etmək üçün bayraq açdılar - VİDEO

Stadionun damında köməksiz vəziyyətdə qalan və yıxılmaq təhlükəsi yaşayan pişik azarkeşlərin müdaxiləsi sayəsində xilas edilib. Tribunada yaşanan həyəcan dolu anlar sosial şəbəkələrdə böyük maraq doğurub.

Sonxeber.az xarici mediaya istinadla xəbər verir ki, matç zamanı stadionun damında gəzən pişik bir anda diqqət mərkəzinə çevrilib. Bir müddət sonra heyvanın müvazinətini itirərək aşağı düşmək təhlükəsi ilə üzləşdiyi görülüb.

Bunu görən azarkeşlər dərhal hərəkətə keçərək böyük bayraq açıb və pişiyin zərər görməsinin qarşısını almağa çalışıblar. Stadiondakı minlərlə tamaşaçı nəfəsini tutaraq həmin anları izləyib.

Pişik aşağı düşdükdən sonra azarkeşlərin açdığı bayraq sayəsində xəsarət almadan xilas olub. Hadisədən sonra tribunadan alqış səsləri yüksəlib.

Telegramda izləyin