Psixoloq: "Qısa videolar diqqəti məhv etmir, sadəcə vərdişləri dəyişir" - AÇIQLAMA

""Qısa videolar diqqət müddətini məhv edir" fikri, əvvəlcə araşdırmalar məsələsini nəzərə alsaq, sübut olunmuş elmi fakt deyil. Qısa videolar adətən bir neçə saniyədən bir yeni stimul təqdim edir".

Bunu Sonxeber.az-a psixoloq Samirə Bağırova danışıb.

O, açıqlamasında qeyd edib ki, tez-tez dəyişən musiqilər, vizual görüntülər və yeni məzmunlar təqdim olunduqca, beyin sürətli mükafat dövrünə öyrəşir və daha yavaş tempdə gedən fəaliyyətlər (kitab oxumaq, uzun mühazirə izləmək, uzun məqalə oxumaq və s.) nisbətən daha az maraqlı görünməyə başlayır:

"Çətinlik o zaman başlayır ki, davamlı konsentrasiya tələb edən işlərdə insan çətinlik çəkə bilər. Bu isə diqqətin tam itməsi deyil, daha çox beynin yüksək sürətli stimullara alışması kimi izah olunur. İki saatlıq videonu əvvəlki kimi izləyə bilməmək isə asılılıq diaqnozu üçün kifayət deyil. Beyin dəyişən vərdişlərə uyğunlaşa bilir. Beyin bir mövzuda uzunmüddətli fokuslanmada qalırsa, bu da o demək deyil ki, çox istifadə asılılıq yaradır. Asılılıq psixologiyada adətən davranışın insanın nəzarətindən çıxması və gündəlik həyatına mənfi təsir göstərməsi ilə xarakterizə olunur".

Vüsalə İbrahimli

Telegramda izləyin