Vətəndaşın ticarət mərkəzindən aldığı 3 dondurmaya ödədiyi pulu eşidənlər şok olur - VİDEO

İstanbulda bir alış-veriş mərkəzində 3 dondurmaya 840 lirə ödəyən qadın sosial şəbəkədə paylaşdığı video ilə yüksək qiymətlərə etiraz edib.

Bu barədə Sonxeber.az xəbər verir.

Qadının sözlərinə görə, qiymət siyahısı kifayət qədər kiçik yazıldığı üçün əvvəlcədən qiymətlərə diqqət yetirməyib və maksimum 200 lirə ödəyəcəyini düşünüb. Dondurma alarkən ona "Üzərinə şokolad sousu istəyirsiniz?" sualı verilib və o da razılaşıb. Sonradan isə sadə şokolad sousuna görə əlavə ödəniş hesablandığını öyrənib.

Vətəndaş bildirib ki, hər top dondurma təxminən 200 lirəyə satılıb, əlavə sous haqqı ilə birlikdə ümumi məbləğ 840 lirəyə çatıb.

Sosial şəbəkələrdə geniş müzakirələrə səbəb olan videoda qadın bu vəziyyətin inflyasiya ilə izah edilə bilməyəcəyini vurğulayaraq, istehlakçıların aldadıldığını iddia edib.

Telegramda izləyin