SON DƏQİQƏ: Pensiyaçılar kommunal ödənişlərdən azad ediləcək? - VACİB AÇIQLAMA
Əhalinin sosial müdafiəsinin gücləndirilməsi ilə bağlı müzakirələrdə tez-tez gündəmə gələn məsələlərdən biri də pensiyaçıların kommunal xərclərinin dövlət tərəfindən qarşılanmasıdır. Xüsusilə, enerji daşıyıcılarının və kommunal xidmətlərin qiymətlərinin artdığı dövrlərdə yaşlı insanların maddi yükünün azaldılması üçün əlavə dəstək mexanizmlərinin tətbiqi aktuallaşır.
Bəs gələcəkdə Azərbaycanda da pensiyaçıların kommunal ödənişlərinin bir hissəsinin dövlət tərəfindən qarşılanması mümkündürmü?
Mövzu ilə bağlı KONKRET.az-a açıqlama verən beynəlxalq idarəetmə sistemləri üzrə mütəxəssis Asif İbrahimov bildirib ki, pensiyaçıların kommunal xərclərinin dövlət tərəfindən qarşılanması bir çox ölkələrdə sosial müdafiə siyasətinin mühüm istiqamətlərindən hesab olunur.
"Beynəlxalq təcrübə göstərir ki, əksər dövlətlər bütün pensiyaçıların deyil, əsasən aşağı gəlirli və həssas kateqoriyaya aid yaşlı insanların kommunal xərclərinin müəyyən hissəsini subsidiya edir.
Fransa və Almaniya kimi Avropa ölkələrində aztəminatlı pensiyaçılar üçün istilik və enerji xərclərinin ödənilməsinə dövlət dəstəyi göstərilir. Bu yardımlar ailələrin gəlir səviyyəsi nəzərə alınmaqla hesablanır və birbaşa kommunal xərclərin azaldılmasına yönəldilir.
Böyük Britaniyada uzun illərdir tətbiq olunan "Winter Fuel Payment" proqramı çərçivəsində yaşlı vətəndaşlara qış mövsümündə istilik xərclərinin qarşılanması üçün əlavə maliyyə yardımı ayrılır. Bu proqramın əsas məqsədi yaşlı əhalini enerji yoxsulluğundan qorumaqdır".
Mütəxəssis bildirib ki, Polşa, Macarıstan və bir sıra Mərkəzi Avropa ölkələrində də enerji qiymətlərinin yüksəldiyi dövrlərdə pensiyaçılar üçün xüsusi kommunal kompensasiya paketləri tətbiq olunur.
"Postsovet məkanında da bu sahədə maraqlı nümunələr mövcuddur. Belə ki, Qazaxıstan və Belarusda aşağı gəlirli pensiyaçıların kommunal xərclərinin müəyyən hissəsi yerli büdcələr və ya sosial yardım proqramları vasitəsilə kompensasiya edilir.
Beynəlxalq təcrübə dövlətlərin daha çox kommunal xidmətlərin tam ödənilməsi modelinə deyil, ünvanlı subsidiya və kompensasiya mexanizmlərinə üstünlük verdiyini göstərir.
Azərbaycanda da yaşlı əhalinin sosial müdafiəsinin gücləndirilməsi məqsədilə aşağı gəlirli pensiyaçılar üçün kommunal dəstək proqramlarının tətbiqi həm sosial, həm də fiskal baxımdan daha səmərəli yanaşma ola bilər", - deyə o, qeyd edib.
Asif İbrahimov əlavə edib ki, neft gəlirlərinin sosial rifahın artırılmasına yönəldilməsi kontekstində pensiyaçıların kommunal xərclərinin müəyyən hissəsinin dövlət tərəfindən qarşılanması gələcək sosial siyasətin müzakirə oluna biləcək istiqamətlərindən biridir.
"Belə bir mexanizmin tətbiqindən əvvəl ehtiyacların dəqiq qiymətləndirilməsi, dövlət büdcəsinə düşəcək maliyyə yükünün hesablanması və dəstəyə ehtiyacı olan hədəf qrupların düzgün müəyyənləşdirilməsi vacib şərtlər sırasındadır. Məhz bu amillər nəzərə alınarsa, kommunal dəstək proqramları yaşlı insanların sosial rifahının yaxşılaşdırılmasına əhəmiyyətli töhfə verə bilər".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Netanyahunun sosial şəbəkə hesablarına kiberhücum oldu - FOTO
Azərbaycan-Böyük Britaniya: regional sabitlik və qlobal əməkdaşlıq perspektivləri
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Yeni Azərbaycan Partiyası - milli siyasi iradənin, dövlətçilik ənənələrinin və güclü Azərbaycan məfkurəsinin ifadəsi