Bu il 70 uşaq övladlığa verilib

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi 2026-cı ilin ötən dövrü ərzində 70 uşağın övladlığa verilməsini təmin edib.

Ölkə.az xəbər verir ki, onlardan 34-ü qız, 36-sı oğlandır.

Bildirilib ki, övladlığa verilən uşaqların yeni ailələrdə vəziyyətinin öyrənilməsi məqsədilə 18 yaşına çatanadək mütəmadi monitorinqlər aparılır. Belə ki, övladlığagötürmənin birinci ilində hər rüb, növbəti illərdə isə ildə bir dəfə olmaqla uşaqların yaşayış şəraiti və sosial vəziyyəti nəzarətdə saxlanılır.

Qeyd olunub ki, valideyn himayəsindən məhrum olmuş uşaqları övladlığa götürən şəxslərə dövlət tərəfindən aylıq sosial müavinət ödənilir. 3-18 yaş arası hər uşaq üçün 240 manat, əlilliyi olan uşaqlar üçün isə 600 manat məbləğində müavinət müəyyən edilib.

Həmçinin övladlığa götürən ailələr sosial təminat, əmək və vergi sahələrində bir sıra güzəştlərlə də təmin olunurlar.

Telegramda izləyin