Vəhşi heyvan hücumu nəticəsində sağlamlığına ziyan dəyən şəxslər hansı hallarda kompensasiya tələb edə bilər? - AÇIQLAMA

Son illər vəhşi heyvanların yaşayış məntəqələrinə yaxın ərazilərdə görünməsi və insanlara hücum halları daha çox müzakirə olunan mövzulardan birinə çevrilib.

Belə hadisələr zamanı insanların necə davranmalı olduğu ilə yanaşı, zərərçəkənlərin hüquqları və kompensasiya alma imkanları da maraq doğurur.

Vəhşi heyvan hücumu nəticəsində sağlamlığına və ya əmlakına ziyan dəyən şəxslər hansı hallarda kompensasiya tələb edə bilər?

Mövzu ilə bağlı hüquqşünas Rəşad Əliyev Sonxeber.az -a açıqlama verib:

"Vəhşi heyvanların hücumuna görə kompensasiya ödənilməsi Aqrar Sığorta Fondu vasitəsilə mümkündür. Belə ki, aqrar sığorta sistemi kənd təsərrüfatı məhsullarının istehsalçının qanunla müəyyən edilmiş əmlak mənafelərinin könüllü sığorta əsasında müdafiəsi sahəsində riskin ötürülməsinə və bölüşdürülməsinə əsaslanan münasibətlər sistemidir.
Qanunvericiliyin tələbinə görə aqrar sığorta karantin və xüsusi təhlükəli yoluxucu xəstəliklərin siyahısına daxil olan xəstəliklər istisna olmaqla, digər yoluxucu xəstəliklər, ilan və ya həşərat sancması, zəhərli otlar və ya yemlərdən zəhərlənmə, kimyəvi maddələrin təsirindən zəhərlənmə, təbii fəlakətlər (zəlzələ, torpaq sürüşməsi, qasırğa, fırtına və dolu), yanğın vəhşi heyvanların hücumu və üçüncü şəxslərin hərəkətləri nəticəsində heyvanın ölümünü sığortalayır.
Sığorta hadisəsi olduqda sığorta hadisələri barədə məlumatı hadisənin baş vermə tarixindən 24 saat ərzində vasitəçi aqrar sığortaçıya və ya idarəedici quruma, eyni zamanda qanunvericiliyə uyğun olaraq, həmin hadisə barədə məlumatlandırılmalı olan digər səlahiyyətli dövlət orqanlarına məlumat verməlidir. Zərərin araşdırılması və qiymətləndirilməsi üçün müstəqil ekspert cəlb olunur. Müstəqil ekspert tərəfindən təqdim olunan rəy və fotoşəkillər əsasında ödəniş və ya imtina edilir.
Sığorta haqqı birdəfəlik və ya hissələrlə ödənilə bilər və aşağıdakı hissələrdən ibarətdir:
- Sığortalı tərəfindən ödənilməli olan hissə
- Dövlət büdcəsinin vəsaiti hesabına ödənilən hissə, yəni sığorta haqqının 50%-i;
Sığorta müqaviləsində başqa hal nəzərdə tutulmamışdırsa, sığorta haqqı birdəfəlik ödənilir".

Telegramda izləyin