131 minlik dərman qaçaqmalçılığı - Türkiyə vətəndaşı 10 min ödəyəcək, ölkədən çıxarılacaq

131 minlik dərman qaçaqmalçılığı - Türkiyə vətəndaşı 10 min ödəyəcək, ölkədən çıxarılacaqBakı Ağır Cinayətlər Məhkəməsində külli miqdarda qeydiyyatsız dərman vasitələrinin və digər malların qaçaqmalçılıq yolu ilə Azərbaycana gətirilməsi ilə bağlı cinayət işi üzrə hökm elan edilib.

Qaynarinfo-nun məlumatına görə, məhkəmə araşdırması zamanı müəyyən olunub ki, Azərbaycan və Türkiyə vətəndaşları əvvəlcədən əlbir olaraq Türkiyədən ölkəyə dövlət qeydiyyatından keçməmiş dərman preparatlarını, tibbi ləvazimatları, kosmetik vasitələri və digər məhsulları qanunsuz şəkildə keçirməyə cəhd ediblər.

İş materiallarına əsasən, qaçaqmalçılıq yolu ilə ölkəyə gətirilməsinə cəhd göstərilən malların ümumi dəyəri 131 min 636 manat 80 qəpik təşkil edib. Siyahıda "Janumet", "Levemir FlexPen", "Toujeo", "Keppra", "Lamictal", "Paxil", "Madopar", "Forziga", "Trajenta", "Octagam" kimi müxtəlif dərman preparatları ilə yanaşı, stomatoloji materiallar, kosmetik vasitələr, parfümeriya məhsulları, kimyəvi maddələr və digər mallar da yer alıb.

İttihama görə, Azərbaycan vətəndaşı idarə etdiyi "Volvo" markalı yük avtomobilinin qoşqusunda gizlətdiyi malları Bakı Baş Gömrük İdarəsinin "İpək Yolu" gömrük postunda gömrük təminatını pozaraq çıxarıb və Türkiyə vətəndaşının idarə etdiyi "Iveco" markalı yük avtomobilinə yerləşdirib. Məqsəd həmin malları gömrük nəzarətindən gizli şəkildə postun ərazisindən çıxarmaq olub.

Lakin gömrük əməkdaşlarının keçirdiyi əməliyyat-axtarış tədbirləri nəticəsində "Iveco" markalı yük avtomobili postu tərk edərkən saxlanılıb. Baxış zamanı avtomobildən iki karton qutu, sellofan torbalar və plastik qablarda gizlədilmiş çoxsaylı dərman preparatları, kosmetik vasitələr və digər məhsullar aşkar edilərək götürülüb.

Məhkəmədə ifadə verən Azərbaycan vətəndaşı bildirib ki, İstanbulda tanış olduğu Mehmet adlı şəxsin xahişi ilə həmin malları Azərbaycana gətirməyə razılıq verib. Onun sözlərinə görə, bunun müqabilində 1500 ABŞ dolları almalı idi. O, daha sonra malları digər sürücünün avtomobilinə yerləşdirdiyini etiraf edib və əməlindən peşman olduğunu deyib.

Türkiyə vətəndaşı isə ifadəsində əvvəlcə bağlamaların içərisində nə olduğunu bilmədiyini, sonradan onların dərman və kosmetik vasitələr olduğunu gördüyünü bildirib. O, tanışına kömək etdiyini və törətdiyi əmələ görə peşman olduğunu deyib.

İş üzrə dindirilən gömrük əməkdaşları və digər şahidlər də əməliyyat zamanı avtomobildə gizlədilmiş malların aşkar olunduğunu, onların gömrük orqanına bəyan edilmədiyini və gömrük nəzarətindən kənar keçirilməsinə cəhd göstərildiyini təsdiqləyiblər.

Məhkəmə hər iki şəxsi Cinayət Məcəlləsinin 200-1.2.2, 200-1.2.3 və 206.3.2-ci maddələri ilə təqsirli bilib. Hökmə əsasən, Azərbaycan vətəndaşına qeyd olunan maddələr üzrə azadlıqdan məhrumetmə cəzası təyin edilib. Lakin onun ilk dəfə cinayət məsuliyyətinə cəlb olunması, səmimi peşman olması, ailədə yeganə qazanc gətirən şəxs olması və digər yüngülləşdirici hallar nəzərə alınaraq Cinayət Məcəlləsinin 70-ci maddəsi tətbiq edilib və cəzanın şərti çəkilməsi qərara alınıb. Həmçinin onun üzərinə sınaq müddəti ərzində probasiya orqanına məlumat vermədən daimi yaşayış yerini dəyişməmək vəzifəsi qoyulub.

Türkiyə vətəndaşına münasibətdə isə məhkəmə Cinayət Məcəlləsinin 62-ci maddəsini tətbiq edərək qanunda nəzərdə tutulandan daha yüngül cəza təyin edib. Ona Cinayət Məcəlləsinin 200-1.2.2 və 200-1.2.3-cü maddələri ilə 4 min manat, 206.3.2-ci maddəsi ilə isə 7 min manat cərimə təyin olunub. Cinayətlərin məcmusu üzrə qəti cəza əvvəlcə 11 min manat müəyyən edilsə də, onun 2 gün həbsdə saxlanılması nəzərə alınaraq Cinayət Məcəlləsinin 69.4-cü maddəsinə əsasən cərimə 10 min manata endirilib.

Məhkəmə həmçinin qərara alıb ki, Türkiyə vətəndaşı cəriməni tam ödədikdən sonra Azərbaycan Respublikasının hüdudlarından məcburi qaydada çıxarılsın. Bundan başqa, onun Azərbaycana gəlmək hüququ məhkumluğu ödənilənədək və ya götürülənədək məhdudlaşdırılıb.


Sonxeber.az
Telegramda izləyin
Sosial   Baxılıb: 372   Tarix: 22 iyun 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Güclü küləkdə paytaxtda 32 ağac sınıb - Fotolar

Noyabrın 15-i axşam saatlarından başlayaraq paytaxtda əsən güclü külək nəticəsində ümumilikdə 32 ağac sınıb, 36 ağacın isə budaqları qırılıb. xəbər verir ki, bu barədə Baki Şəhər İcra Hakimiyyətinin (BŞİH) Mətbuat xidməti məlumat yayıb. Bildirilib ki, Bakıda ötən gündən etibarən müşahidə olunan gücl

16 noyabr
.

Noyabr ayının pensiyaları ödənildi

Bu gün Bakı, Sumqayıt şəhərləri və Abşeron rayonu üzrə noyabr ayının pensiyaları ödənilib. xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu məlumat yayıb. Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyind

17 noyabr
.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr
.

Şəmkirdə meyiti tapılanlarla bağlı - Yeni detallar

Ötən gün Şəmkirdə evdə iki nəfərin meyitinin tapılması ilə bağlı bəzi təfərrüatlar üzə çıxıb. "Qafqazinfo" xəbər verir ki, ilkin araşdırmalar zamanı rayonun Varlı Həyat kəndində 1968-ci il təvəllüdlü Rəfi Mustafayevin özünə məxsus evdə qeyri-rəsmi münasibətdə yaşadığı qadını qətlə yetirməsin

17 noyabr
.

Gürcüstanda azərbaycanlı gəncin meyiti tapıldı

Gürcüstanda azərbaycanlıların kompakt yaşadığı Marneuli rayonunda faciəvi hadisə baş verib. "Qafqazinfo" yerli mediaya istinadən xəbər verir ki, rayonun Təzəkənd kənd sakini 26 yaşlı Emil Məmmədovun meyiti yaşadığı evdə tapılıb. Onun ölüm səbəbinin müəyyənləşdirilməsi məqsədilə Gürcüstanı

16 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Mediaya ayrılan pul çox azdır - Deputat

Mediaya ayrılan pul çox azdır. xəbər verir ki, bunu Milli Məclisin bu gün keçirilən plenar iclasında 2027-ci ilin dövlət büdcəsi zərfinin müzakirəsində deputat Hikmət Babaoğlu deyib. Deputat bildirib ki, düşüncəni, milli düşüncə platformasının keyfiyyətini təyin edən mediadır, televiziyalardır, televiziy

16 noyabr
.

"20 Yanvar"da qəza - Motosikletçi öldü

Bakıda ölümlə nəticələnən yol qəzası baş verib. APA-ya istinadən xəbər verir ki, hadisə metronun "20 Yanvar" stansiyasının yaxınlığında qeydə alınıb. Hadisə zamanı avtomobil motosikletlə toqquşub. Nəticədə motosikleti idarə edən şəxs hadisə yerində ölüb

17 noyabr