Həyat yoldaşının keçmiş fotosunu paylaşıb zarafat edən kişi tənqid olundu - VİDEO

Sosial şəbəkədə həyat yoldaşının evlilikdən əvvəlki və sonrakı görüntülərini müqayisə edən bir kişinin paylaşdığı video geniş müzakirələrə yol açıb.

Sonxeber.az xəbər verir ki, videoda əvvəlcə həyat yoldaşının evlənməzdən əvvəl çəkilmiş fotosunu nümayiş etdirən şəxs daha sonra onun hazırkı görüntülərini göstərib. O, paylaşım zamanı "Mən bunu alanda belə idi, indi isə belədir" ifadələrini işlədib.

Daha sonra isə oxuduğunu iddia etdiyi bir ifadəni səsləndirən kişi, dediyi sözlərə görə sosial şəbəkə istifadəçilərinin tənqid hədəfinə çevrilib.

Paylaşımın yayılmasından sonra çoxsaylı istifadəçi həmin ifadələrin həm həyat yoldaşını alçaltdığını, həm də qadınlara qarşı hörmətsiz yanaşma nümayiş etdirdiyini bildirib. Bir çox şərhdə zarafat adı altında təhqiredici və aşağılayıcı fikirlərin normallaşdırılmasının doğru olmadığı vurğulanıb.

Bəzi istifadəçilər paylaşımın etik sərhədləri aşdığını qeyd edərək həyat yoldaşının ictimai şəkildə bu cür təqdim edilməsinin qəbuledilməz olduğunu bildiriblər. Digərləri isə şəxsi münasibətlərin sosial şəbəkələrdə bu formada müzakirə mövzusuna çevrilməsinin doğru olmadığını ifadə ediblər.

Qısa müddətdə viral olan video sosial mediada fikir ayrılığı yaradaraq geniş müzakirələrə səbəb olub.

Telegramda izləyin