Keşlədə yanğın sonrası problem: Sakin anbar sahibinin vədinə əməl etmədiyini deyir
Bakı şəhərinin Nizami rayonu, Keşlə qəsəbəsində anbarda baş vermiş yanğın nəticəsində evinə ciddi ziyan dəydiyini bildirən sakin aidiyyəti qurumlardan və məsul şəxslərdən kömək istəyir.
Nizami rayonu, Keşlə qəsəbəsi, Abdulla Mirzəyev küçəsi 55 ünvanında yaşayan Qasımova Kifayət Teymur qızı Qaynarinfo-ya bildirib ki, iyunun 4-də yaşayış evlərinə çox yaxın məsafədə yerləşən anbarlarda baş verən yanğın nəticəsində ətrafdakı bir neçə evə ziyan dəyib. Ən ciddi zərəri isə onların yaşadığı ev çəkib.
Şikayətçinin sözlərinə görə, yanğın zamanı aparılan söndürmə işləri və sonrakı günlər yağan leysan yağışlar nəticəsində evin dam örtüyü tamamilə dağılıb. Bunun nəticəsində mənzilin daxili hissəsi də yararsız vəziyyətə düşüb, divarlar, döşəmə və ev əşyaları ciddi zərər görüb.
Sakin bildirib ki, hadisədən qısa müddət əvvəl evdə əsaslı təmir işləri aparılıb. Lakin hazırda mənzildə normal yaşayış mümkün deyil. Bu səbəbdən yeni dünyaya gələn nəvə qohumların evinə köçürülüb. Ailənin digər üzvləri isə çətin şəraitdə həmin evdə qalmağa məcbur olduqlarını bildirirlər.
Kifayət Qasımovanın iddiasına görə, yanğından sonra anbarın sahibi olduğu bildirilən Roman Cəfərovun oğlu Fuad Cəfərov onlarla əlaqə saxlayaraq dəymiş ziyanın tam şəkildə ödəniləcəyini bildirib. Daha sonra həmin şəxslərin nümayəndələri evə baxış keçirərək yaşayış üçün yararsız vəziyyətə düşdüyünü təsdiqləyiblər.
Lakin aradan həftələr keçməsinə baxmayaraq, zərərin aradan qaldırılması istiqamətində hər hansı iş görülməyib. Şikayətçinin sözlərinə görə, indiyədək yalnız bir neçə ədəd şifer gətirilib.
"Bizə dedilər ki, dəymiş ziyan ödəniləcək. Amma bu günə qədər yalnız bir neçə şifer gətiriblər. Nə dam örtüyü bərpa olunub, nə də evin içərisində yaranmış zərərlərlə bağlı hər hansı tədbir görülüb", deyə sakin bildirib.
Kifayət Qasımovanın sözlərinə görə, məsələ ilə bağlı Nizami Rayon İcra Hakimiyyətinə də müraciət olunub. Lakin müraciətdən sonra da problemin həlli istiqamətində hər hansı nəticə əldə edilməyib.
Sakin bildirir ki, yaxın günlərdə Nizami Rayon Prokurorluğuna və Fövqəladə Hallar Nazirliyinə rəsmi müraciət edəcək. O qeyd edib ki, müraciətlərinə cavab verilməyəcəyi təqdirdə ölkə rəhbərliyinə müraciət etmək niyyətindədir.
Zərərçəkən ailə baş vermiş hadisənin araşdırılmasını, dəymiş ziyanın qiymətləndirilməsini və məsul şəxslərin öhdəliklərini yerinə yetirməsini tələb edir.
Məsələ ilə bağlı qarşı tərəfin mövqeyini öyrənmək üçün anbarın sahibi olduğu bildirilən Roman Cəfərovla əlaqə saxlamağa çalışsaq da, cəhdlərimiz nəticəsiz qaldı.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Netanyahunun sosial şəbəkə hesablarına kiberhücum oldu - FOTO
Azərbaycan-Böyük Britaniya: regional sabitlik və qlobal əməkdaşlıq perspektivləri
Azərbaycan-Böyük Britaniya münasibətlərində yeni mərhələ başlayır
SON DƏQİQƏ! ABŞ İranın Qeşm adasını bombaladı: 5-6 partlayış baş verdi