Çimərlikdə günəşlənən qadın dron hücumuna məruz qaldı - VİDEO

Ukraynanın Odessa şəhərində çimərlik ərazisinə Rusiyaya məxsus pilotsuz uçuş aparatının hücumu nəticəsində bir qadın həlak olub.

Sonxeber.az xarici mediaya istinadla xəbər verir ki, hadisə zamanı çimərlikdə günəşlənən qadın boyun nahiyəsindən ağır xəsarət alıb. Partlayışın ardından ərazidə təşviş yaşanıb, istirahət edənlər təhlükəsiz yer axtarmağa çalışıblar.

Hadisə yerinə polis və təcili tibbi yardım briqadaları cəlb olunub. Həkimlərin qadının həyatını xilas etmək üçün göstərdiyi səylərə baxmayaraq, onun həyatını xilas etmək mümkün olmayıb.

Hücumun baş verdiyi ərazi təhlükəsizlik qüvvələri tərəfindən mühasirəyə alınaraq araşdırmalara başlanılıb.

Mülki şəxslərin hədəfə çevrildiyi hadisə Odessa sakinləri və çimərlikdə olanlar arasında böyük narahatlıq yaradıb.

Telegramda izləyin