Bu şəxslər ali təhsili olsa belə 18 aylıq hərbi xidmət keçməlidir - AÇIQLAMA
Xaricdə ali təhsil alan və ya universiteti bitirən Azərbaycan vətəndaşlarının diplomlarının tanınması ilə bağlı məsələlər son dövrdə hərbi xidmət baxımından da diqqət çəkir. Xüsusilə diplomun tanınması prosesinin tamamlanmaması şəxsin təhsil statusunun və hərbi xidmətə möhlət hüququnun necə qiymətləndirilməsi ilə bağlı suallar yaradır.
Bəs, xaricdə universitet bitirən Azərbaycan vətəndaşının diplomu Azərbaycanda tanınmadıqda onun hərbi xidmətə çağırılması məsələsi hansı qaydada müəyyənləşdirilir və diplomun tanınması ilə bağlı sənədlərin vaxtında təqdim olunması şəxsin hərbi xidmət müddətinə necə təsir göstərə bilər?
Mövzu ilə bağlı Sonxeber.az-a açıqlama verən hərbi eksperti Üzeyir Cəfərov bildirib ki, xaricdə universitet bitirən Azərbaycan vətəndaşlarının diplomları müəyyən prosedurdan keçərək tanınmalıdır.
"Diplom tanındıqdan sonra həmin şəxs ali təhsilli hesab olunur. Əgər diplom tanınmırsa, şəxs müəyyən əsaslarla orta təhsilli hesab edilir və 18 ay müddətinə hərbi xidmət keçməlidir. Hərbi xidmətə çağırılarkən diplom varsa, sənəd çağırışçının şəxsi işinə əlavə olunur və onun ali təhsilli olduğu qeyd edilir. Bu halda hərbi xidmət müddəti bir il olur. Əgər diplom vaxtında əldə edilməyibsə və sonradan alınıbsa, vətəndaşın ailə üzvlərindən biri etibarnamə əsasında diplomu əldə edib, notarial qaydada təsdiqlədikdən sonra hərbi xidmət keçdiyi hərbi hissəyə təqdim edə bilər. Bu sənəd əsasında həmin şəxs qanunvericiliyə uyğun olaraq ali təhsilli kimi nəzərə alınır və bir il xidmət müddəti tamam olduqdan sonra təxris edilir".
Ekspert bildirib ki, diplomun tanınması ilə bağlı sənədin vaxtında təqdim olunmaması, xüsusilə təhsil başa çatdıqdan sonra diplomun müəyyən müddət ərzində hazır olmaması halında, hərbi xidmət müddətinə təsir göstərə bilər:
"Lakin bu, böyük problem deyil və əsasən texniki məsələdir. Şəxs xidmətə başladıqdan sonra diplom əldə edilərsə, sənəd hərbi hissəyə təqdim olunur. Şəxsən mənim praktikamda da belə hal olub. Övladımın diplomunu etibarnamə əsasında mən almışam, təsdiqlətdirib hərbi hissəyə təqdim etmişəm. Çağırış sistemində isə həmin şəxsin ali təhsil aldığı barədə məlumatlar əvvəlcədən qeyd olunur. Çünki onun ali təhsil alması ilə bağlı bir neçə il ərzində Səfərbərlik Xidmətində müvafiq qeydlər aparılır. Ona görə də hesab edirəm ki, burada böyük və ya qlobal problem yoxdur. Bu, əsasən texniki məsələlərdir və valideynlər də lazımi sənədləri təqdim etməklə bu məsələləri həll edə bilirlər".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
1960-cı ildə proqnozlaşdırılan "qiyamət günü" gəldi
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri