Toyuna 2 gün qalan gənc yol qəzasında vəat etdi

Türkiyənin Osmaniyə vilayətində baş verən ağır yol-nəqliyyat hadisəsi gənc hərbçinin həyatına son qoyub.

Sonxeber.az xarici mediaya istinadla xəbər verir ki, hadisə Sumbas rayonunun Alibəyli ərazisində, Kadirli-Sumbas magistral yolunda qeydə alınıb. İdarəetmədə olan yük avtomobili ilə qarşıdan gələn minik avtomobilinin toqquşması nəticəsində hər iki nəqliyyat vasitəsi ciddi zədələnib.

Qəza yerinə polis, yanğınsöndürmə və təcili tibbi yardım briqadaları cəlb olunub. Yaralı sürücülər xəstəxanaya çatdırılsalar da, minik avtomobilinin sürücüsü, 23 yaşlı Ali Akçay həkimlərin səylərinə baxmayaraq həyatını itirib. Digər sürücünün müalicəsinin davam etdiyi bildirilib.

Məlumata görə, Ağrıda mütəxəssis çavuş kimi xidmət edən Ali Akçay toy hazırlıqları üçün məzuniyyətə gələrək doğma şəhərinə qayıdıb. Gənc hərbçinin iyunun 26-da nişanlısı Özlem Avcı ilə evlənməyə hazırlaşdığı və toyuna cəmi iki gün qaldığı qeyd olunur.

Faktla bağlı araşdırma aparılır.

Telegramda izləyin