Dünya Çempionatında diqqətçəkən an: azarkeş 90 dəqiqə hərəkətsiz dayandı - VİDEO

Dünya Çempionatında Konqo Demokratik Respublikası ilə Kolumbiya arasında keçirilən qarşılaşma zamanı tribunada maraqlı və emosional an yaşanıb. Konqolu azarkeş ölkəsinin müstəqillik lideri Patris Lumumbanın xatirəsini anmaq üçün matçın bütün gedişatı boyunca, 90 dəqiqə ərzində hərəkətsiz vəziyyətdə dayanıb və onun salamını nümayiş etdirib.

Sonxeber.az türk mediasına istinadən xəbər verir ki, məlumata görə, azarkeşin bu jesti stadionda və sosial şəbəkələrdə geniş diqqət çəkib və müzakirələrə səbəb olub.

Patris Lumumba Konqo Demokratik Respublikasının müstəqillik mübarizəsinin simvolik liderlərindən biri hesab olunur. O, müstəmləkəçilik və imperializmə qarşı mübarizəsi ilə yadda qalıb. Lumumba 1961-ci ildə qətlə yetirilib və ölümündən sonra onun cəsədinin parçalandığı və məhv edildiyi bildirilir.

Bu anma hərəkəti Dünya Çempionatının ən çox diqqət çəkən hadisələrindən biri kimi qiymətləndirilib.

Telegramda izləyin