Meksika vətəndaşlarını zəlzələdən zərər çəkmiş Venesueladan təxliyə edir

Meksika zəlzələdən zərər çəkmiş Venesueladan vətənə qayıtmaq istəyən iyirmidən çox vətəndaşını təxliyə edir.

"Report"un xəbərinə görə, Meksika Xarici İşlər Nazirliyi (XİN) bu barədə "X" sosial şəbəkəsində məlumat yayıb.

Nazirlik xatırladıb ki, bir gün əvvəl Meksika Hərbi Hava Qüvvələrinə məxsus təyyarələr Venesuelaya humanitar yardım və 250 xilasedici çatdırıb.

"İyirmi altı həmvətənimiz könüllü olaraq Meksikaya qayıtmaq istədiklərini bildirib və Hərbi Hava Qüvvələrinin uçuşlarının köməyi ilə vətənə qayıtmağı gözləyirlər", - bəyanatda deyilir.

Xarici İşlər Nazirliyi həmçinin qeyd edib ki, zəlzələdən sonra Karakasdakı Meksika səfirliyinin əməkdaşları Venesuelada daimi və ya müvəqqəti yaşayan 73 Meksika vətəndaşı ilə əlaqə saxlayıblar.

Xarici siyasət idarəsinin məlumatına görə, onların hamısı təhlükəsiz ərazilərdədir və sağlamlıqları yaxşıdır.

Telegramda izləyin