Venesuelada zəlzələ qurbanlarının sayı 1450-yə çatdı

Venesuelada baş verən 7,5 və 7,2 bal gücündə iki güclü zəlzələnin nəticələri ağırlaşmaqda davam edir. Son məlumata görə, təbii fəlakət nəticəsində həyatını itirənlərin sayı 1450-yə yüksəlib.

Sonxeber.az xarici mediaya istinadən xəbər verir ki, bu barədə ölkənin Milli Assambleyasının sədri Xorxe Rodriges məlumat verib. Onun sözlərinə görə, zəlzələlər nəticəsində ümumilikdə 774 bina tamamilə dağılıb.

Axtarış-xilasetmə əməliyyatları fəlakət bölgəsində fasiləsiz davam edir. Xilasetmə qrupları dağıntılar altında qalan insanları tapmaq üçün intensiv fəaliyyət göstərir.

Digər tərəfdən, zəlzələnin törətdiyi dağıntılar havadan çəkilən görüntülərdə də aydın şəkildə əks olunub. Kadrlarda yaşayış məntəqələrinin böyük hissəsinin ciddi ziyan gördüyü, çoxsaylı binaların yerlə-yeksan olduğu görünür.

Rəsmilər ölən və yaralananların sayının artacağı ehtimalını istisna etmir.

Telegramda izləyin