Fransada rekord istilər faciəyə səbəb oldu: morqlarda yer qalmadı

Fransanı cənginə alan rekord isti hava dalğası paytaxt Parisdə ciddi problemlərə yol açıb. Havanın həddindən artıq isti keçməsi nəticəsində ölüm hallarının artması morqların tutumunun dolmasına səbəb olub.

Sonxeber.az türk mediasına istinadən xəbər verir ki, məlumata görə, morqlarda yer çatışmazlığı səbəbindən bəzi cənazələr ölkənin digər bölgələrinə göndərilir. Eyni zamanda, cənazələrin müvəqqəti saxlanılması üçün xüsusi soyuducu konteynerlərin quraşdırılması da gündəmə gəlib.

Qeyri-adi istilər səhiyyə sisteminə də ciddi təsir göstərib. Xəstəxanalar və təcili tibbi yardım şöbələrində müraciətlərin sayı əhəmiyyətli dərəcədə artıb, tibb müəssisələri gücləndirilmiş rejimdə fəaliyyət göstərir.

Rəsmilər əhaliyə günün ən isti saatlarında açıq havada uzun müddət qalmamağı, bol maye qəbul etməyi və xüsusilə yaşlılar, uşaqlar və xroniki xəstəliyi olan şəxslərin ehtiyatlı davranmasını tövsiyə ediblər.

Telegramda izləyin