Şagirdlərə uyğunsuz məzmunlu görüntülər göndərən müəllim həbs edildi - VİDEO

ABŞ-ın Şimali Karolina ştatında yerləşən Orange High School məktəbində çalışan 37 yaşlı müəllim Lesli Lambeth Bryant şagirdlərə "Snapchat" vasitəsilə intim məzmunlu foto və videolar göndərməkdə ittiham olunaraq saxlanılıb.

Sonxeber.az xarici mediaya istinadla xəbər verir ki, məktəb rəhbərliyinə daxil olan şikayətdən sonra müəllimə əvvəlcə ödənişli məzuniyyətə göndərilib, daha sonra isə vəzifəsindən istefa verib. Barəsində həbs qərarı çıxarıldıqdan sonra o, polisə təslim olub.

Bryant azyaşlıya qarşı uyğunsuz davranış və uşaqların cinsi istismarı ilə bağlı ittihamlarla üzləşib. Məhkəmə onun üçün 50 min dollar məbləğində girov müəyyən edib.

Məktəb rəhbərliyi bildirib ki, şagirdlərin təhlükəsizliyi əsas prioritetdir və faktla bağlı araşdırma hüquq-mühafizə orqanları tərəfindən davam etdirilir.

Telegramda izləyin