"Azərbaycan obyektlərinə hücumların məqsədyönlü şəkildə davam edilməsi iki ölkə arasında münasibətlərə mənfi təsir göstərir" - DEPUTAT

"Məlum olduğu kimi, Rusiya səfiri Mixail Yevdokimov Azərbaycan Xarici İşlər Nazirliyinə çağırılıb.Görüş zamanı iyulun 5-də axşam saatlarında Ukraynanın Mikolayiv vilayətində yerləşən SOCAR yanacaqdoldurma məntəqəsinin dron hücumuna məruz qalması ilə əlaqədar kəskin etiraz bildirilib və Rusiya tərəfinə müvafiq nota təqdim edilib.Görüşdə "Azərbaycan tərəfi bildirib ki, sözügedən dron hücumunun ilk hal deyil.Bundan əvvəl də qazpaylayıcı kompressor stansiyası və Odessada neft bazasına hücumlar daxil olmaqla,Ukraynada SOCAR-a məxsus obyektlərin hərbi zərbələrə məruz qalıb. Nəticədə xeyli maddi ziyan dəyib.Şirkətin əməkdaşları arasında yaralananlar olduğu xatırlanıb.Bildirilib ki,dəfələrlə xəbərdarlığa baxmayaraq,belə halların davam etməsi hücumların məqsədyönlü şəkildə həyata keçirildiyinə dəlalət edir. Görüşdə həmçinin Azərbaycanın Kiyevdəki səfirliyinin və Xarkov şəhərində yerləşən Fəxri Konsulluğun binalarının zərər gördüyü bir neçə hava zərbələrinə diqqət yönəldilib,Vyana Konvensiyalarına uyğun olaraq diplomatik və konsulluq nümayəndəliklərinin binalarının qorunması üzrə öhdəliklərə ciddi riayət edilməsinin vacibliyi vurğulanıb. Rusiya tərəfi qeyd olunan bütün faktlar üzrə hərtərəfli araşdırma aparmağa, baş vermiş hallarla bağlı müvafiq izahat verməyə, habelə mülki obyektlərin və diplomatik nümayəndəliklərin qorunması üzrə beynəlxalq öhdəliklərə riayət etməyə çağırılıb".

Bunu Sonxeber.az-a danışan deputat Əli Məsimli bildirib.

Deputat qeyd edib ki, doğrudan da Rusiya dronları tərəfindən Azərbaycanın Kiyevdəki səfirliyinin, Xarkov şəhərində yerləşən Fəxri Konsulluğun binalarının, SOCAR yanacaqdoldurma məntəqəsinin və Azərbaycana məxsus digər obyektlərin vurulması təsadüfü xarakter daşımır. Çünki bundan artıq neçənci dəfədir ki, Rusiya tərəfindən bu addımlar təkrarlanır. Təsadüf isə təkrar olunmur. Azərbaycan obyektlərinə hücumların məqsədyönlü şəkildə davam etməsi Azərbaycan-Rusiya münasibətlərinə çox ciddi şəkildə mənfi təsir göstərir. Rusiya tərəfi Azərbaycana məxsus obyektləri hərbi zərbələrə məruz qoymasın görə beynəlxalq hüququn tələblərinə uyğun surətdə izahat və cavab verməlidir".

Telegramda izləyin