2026-cı ildə istirahət üçün Avropanın ən yaxşı adaları (SİYAHI)
Əgər Avropa adalarından birində tətil keçirmək istəyirsinizsə, lakin istiqamət seçməkdə çətinlik çəkirsinizsə, "Saga Holidays" şirkətinin yeni araşdırması seçim etməyə kömək edə bilər.
Qaynarinfo xəbər verir ki, "Euronews"un məlumatına görə, turizm şirkətinin mütəxəssisləri Avropanın 80 adasını üç əsas meyar üzrə təhlil ediblər: hava şəraiti (günəşli günlərin sayı, yağıntılar, külək və rahat temperatur), qastronomik istirahət imkanları (adanın sahəsi nəzərə alınmaqla restoran, kafe və barların sayı), eləcə də yaşıllıq zonalarının və təbii ərazilərin miqdarı.
Yekun qiymətləndirmə zamanı ən böyük pay təbiət amilinə verilib - 45 faiz. Hava şəraiti 35 faiz, qastronomiya isə 20 faiz təşkil edib.
Araşdırmanın nəticələrinə əsasən, ən yaxşı onluğa əsasən İspaniya və Xorvatiya adaları daxil olub. Onlar reytinqdəki 10 yerdən 9-nu tutub.
2026-cı ildə istirahət üçün Avropanın ən yaxşı adaları
Reytinqin qalibi Kanar adalarının ən böyüyü olan Tenerif adası olub. Ada mümkün 100 baldan 95 bal toplayıb. "Saga Holidays" qeyd edib ki, Tenerifeyə birinci yeri mənzərəli təbii landşaftlar, keyfiyyətli yerli mətbəx və günəşli günlərin çoxluğu qazandırıb.
İkinci yeri La Palma adası tutub - 94 bal. Bu ada zəngin təbiəti və davamlı inkişaf prinsiplərinə sadiqliyinə görə tez-tez "La Isla Bonita" ("Gözəl ada") adlandırılır və UNESCO-nun biosfer qoruğu statusuna malikdir.
Üçüncü yerdə Portuqaliyanın Madeyra arxipelaqı qərarlaşıb - 93 bal. Burada UNESCO-nun Dünya Təbii İrs Siyahısına daxil edilmiş unikal Laurisilva dəfnə meşəsi yerləşir.
İlk beşliyə həmçinin iki Xorvatiya adası - orta əsr Korçula və aktiv istirahət həvəskarları üçün ideal sayılan mənzərəli Mljet daxil olub.
Avropanın ən yaxşı 10 adası
1. Tenerif (Kanar adaları, İspaniya) - 95/100;
2. La Palma (Kanar adaları, İspaniya) - 94/100;
3. Madeyra (Portuqaliya) - 93/100;
4. Korçula (Xorvatiya) - 92/100;
5. Mljet (Xorvatiya) - 90/100;
6. Mallorka (Balear adaları, İspaniya) - 89/100;
7. Loşin (Xorvatiya) - 88/100;
8. Braç (Xorvatiya) - 87/100;
9. Qran-Kanariya (İspaniya) - 86/100;
10. La Qomera (İspaniya) - 85/100.
Avropada ən yaxşı hava şəraiti haradadır?
Ən yaxşı hava şəraiti kateqoriyasında ilboyu mülayim iqlimi ilə tanınan Kanar adaları lider olub. Birinci yeri yenidən Tenerif adası tutub və 100 baldan 88 bal alıb.
İlk üçlük belə sıralanıb:
* Tenerif - 88/100;
* La Qomera - 86/100;
* Qran-Kanariya - 85/100.
Bundan əlavə, Kanar arxipelaqı əlverişli iqlimi, təbiəti və turizm infrastrukturu sayəsində Avropanın ən yaxşı arxipelaqı seçilib.
Qastronomik turizm üçün ən yaxşı adalar
Səfərin əsas məqsədi mətbəxlə tanışlıqdırsa, ən yaxşı seçim İtaliya adaları hesab olunur.
Lider üçlüyə aşağıdakılar daxil olub:
* Kapri - 75/100;
* Sardiniya - 66/100;
* Santorini (Yunanıstan) - 65/100.
Kapridə turistlərə ənənəvi "Kapreze" salatını, eləcə də pendir, parmezan və mərzə ilə hazırlanan içlikli təzə makaron növü olan yerli kapreze raviolisini dadmaq tövsiyə olunur.
Avropanın ən yaşıllıqla zəngin adaları
Ən çox təbii əraziyə malik adaların reytinqinə Xorvatiya başçılıq edib.
İlk üçlükdə yer alan adalar:
* Mljet (Xorvatiya) - 86/100;
* Madeyra (Portuqaliya) - 85/100;
* Korçula (Xorvatiya) - 83/100.
Qeyd olunur ki, Mljet adası tez-tez "Yaşıl ada" adlandırılır. Dubrovnik və Split kimi məşhur yerlərlə müqayisədə turistlər arasında daha az tanınsa da, ekspertlər onu Xorvatiyanın təbiəti ilə tanış olmaq istəyənlər üçün ideal məkan hesab edirlər.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Novxanıda sərnişinlər avtobusda ekstrim yaşadı - Video
Rəşid Mahmudovun evində partlayış baş verib?
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
Azərbaycan-Böyük Britaniya münasibətlərində yeni mərhələ başlayır
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya arasında əməkdaşliq perspektivləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA