Məhkəmə binası qarşısında silahlı insident: 2 nəfər yaralanıb - VİDEO

Türkiyənin Adana vilayətinin Kozan rayonunda məhkəmə binasının qarşısında iki qrup arasında baş verən silahlı insident nəticəsində 2 nəfər ayağından yaralanıb.

Sonxeber.az xarici mediaya istinadla xəbər verir ki, hələlik naməlum səbəbdən başlayan mübahisə qısa müddət ərzində silahlı qarşıdurmaya çevrilib. Tərəflərin bir-birinə atəş açması nəticəsində şəxsiyyəti hələ müəyyənləşdirilməyən iki nəfər ayağından güllə xəsarəti alıb.

Hadisə yerinə polis və təcili tibbi yardım briqadaları cəlb olunub. Yaralılar ilkin tibbi yardım göstərildikdən sonra xəstəxanaya çatdırılıblar.

Hadisədən sonra ərazidən qaçan şübhəlilərin saxlanılması istiqamətində əməliyyat keçirən polis 1 nəfəri saxlayıb. Qaçan daha 2 şübhəlinin tutulması üçün axtarış tədbirləri davam etdirilir.

Hadisənin başvermə səbəbi araşdırılır.

Telegramda izləyin