"Narkotik vasitələr insanın həm fiziki, həm psixoloji, həm də sosial həyatına ciddi zərər vurur" - Psixoloq
"Narkotik vasitələrdən istifadə insan orqanizmində geridönməz dağıdıcı dəyişikliklər yaradır, ciddi psixoloji və sosial fəsadlara gətirib çıxarır. Bu maddələr mərkəzi sinir sistemini məhv edir, daxili orqanları zədələyir, ağır xəstəliklərə səbəb olur və yüksək dozadan zəhərlənmə nəticəsində qəfil ölümlə nəticələnə bilər".
Bunu Sonxeber.az-a danışan psixoloq Leyla Alışova bildirib.
Psixoloq qeyd edib ki, narkotik vasitələr insanın həm fiziki, həm psixoloji, həm də sosial həyatına ciddi zərər vurur:
"Narkotik vasitələrindən istifadə beyin fəaliyyətini pozur, yaddaşı və diqqəti zəiflədir. Ürək-damar xəstəlikləri, yüksək təzyiq və infarkt riskini artırır. Qaraciyər, böyrək və ağciyərlərə ziyan vurur. İmmunitet sistemini zəiflədir, orqanizmi xəstəliklərə qarşı həssas edir. Ən önəmlisi isə oza həddinin aşılması ölümə səbəb ola bilər. Narkotik vasitələri insan psixologiyasına da mənfi təsir göstərir. Belə ki, narkotik vasitələr asılılıq yaradır və ondan qurtulmaq çətin olur. İnsanda depressiya, narahatlıq, aqressiya və yuxu pozuntularına səbəb olur. Hallüsinasiyalar və psixi xəstəliklərin yaranma riskini artırır".
Psixoloq narkotik vasitələrindən istifadə sosial həyata da mənfi təsir göstərdiyini vurğulayıb:
"Təhsil və iş həyatında uğursuzluqlara gətirib çıxarır. Ailə münasibətlərini pozur, münaqişələri artırır.Cinayət və zorakılıq riskini yüksəldir. Maddi çətinliklər və borclanma yaradır.Pis vərdişlərə və riskli davranışlara meyli artırır. Gələcək karyera və həyat imkanlarını məhdudlaşdırır.Narkotik vasitələrdən uzaq durmaq sağlam həyatın, təhlükəsiz gələcəyin və cəmiyyətin rifahının əsas şərtlərindən biridir. Asılılığı olan şəxslərin isə vaxtında həkim və psixoloq dəstəyi alması sağalma şansını əhəmiyyətli dərəcədə artırır".
"Narkotik asılılığı olan şəxslərə cəzalandırıcı deyil, müalicə və reabilitasiya yönümlü yanaşmaq daha effektiv hesab olunur.
Onlara göstərilə biləcək əsas dəstəklər bunlardır:
-Tibbi müalicə - Həkim nəzarəti altında detoksifikasiya və zəruri hallarda dərman müalicəsi.
-Psixoloji dəstək - Fərdi və qrup terapiyaları, psixoloq və psixoterapevtlə müntəzəm görüşlər.
-Reabilitasiya proqramları - Asılılıqdan uzaq qalmaq və sağlam həyat tərzinə qayıtmaq üçün xüsusi mərkəzlərdə uzunmüddətli dəstək.
-Ailə dəstəyi - Ailə üzvlərinin anlayışlı və motivasiyaedici münasibəti sağalma prosesində mühüm rol oynayır.
-Sosial reinteqrasiya - Təhsil, peşə hazırlığı və iş imkanlarının yaradılması şəxsin cəmiyyətə yenidən uyğunlaşmasına kömək edir.
-Təkrar istifadənin qarşısının alınması - Dəstək qrupları, müntəzəm nəzarət və psixoloji müşahidə ilə yenidən narkotik istifadəsi riskinin azaldılması.
Narkotik asılılığı müalicə oluna bilən xroniki bir xəstəlikdir. Vaxtında göstərilən peşəkar tibbi, psixoloji və sosial dəstək insanın sağlam həyata qayıtması və cəmiyyətə yenidən inteqrasiyası üçün böyük əhəmiyyət daşıyır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri