"Azərbaycan İsraillə uzun illər qarşılıqlı etimad və strateji tərəfdaşlıq əsasında münasibətlər qurub" - Bəhruz Quliyev

"Azərbaycan İsraillə uzun illər qarşılıqlı etimad və strateji tərəfdaşlıq əsasında münasibətlər qurub" - Bəhruz Quliyev"İsraildə 1915-ci il hadisələrinin "erməni soyqırımı" kimi tanınmasına yönəlmiş təşəbbüs ətrafında baş verən proseslər bir daha göstərdi ki, müasir dövrdə diplomatiya təkcə bəyanatlar vermək deyil, həm də dövlətlərin milli maraqlarını prinsipial və ardıcıl şəkildə müdafiə etmək bacarığıdır. Azərbaycanın nümayiş etdirdiyi mövqe məhz bu baxımdan diqqətəlayiqdir.

Azərbaycan hər zaman tarixi hadisələrin siyasi məqsədlər üçün alətə çevrilməsinin əleyhinə çıxış edib. Çünki tarix hüquqi və elmi müstəvidə araşdırılmalı, dövlətlərarası münasibətlər isə qarşılıqlı hörmət və beynəlxalq hüquq prinsipləri əsasında qurulmalıdır. Bu baxımdan Bakının İsrail tərəfinə ünvanladığı mesaj emosional deyil, beynəlxalq münasibətlərin qəbul olunmuş prinsiplərinə söykənən praqmatik yanaşma idi."

Bu fikirləri Sonxeber.az-a Səs qəzetinin baş redaktoru, siyasi ekspert Bəhruz Quliyev deyib.

Ekspert bildirib ki, Azərbaycanın mövqeyi eyni zamanda ölkəmizin xarici siyasət kursunun dəyişməz prioritetlərini də ortaya qoydu. Türkiyə ilə müttəfiqlik münasibətləri Azərbaycanın milli təhlükəsizlik strategiyasının mühüm sütunlarından biridir. "Bir millət, iki dövlət" fəlsəfəsi təkcə siyasi şüar deyil, konkret xarici siyasət qərarlarında öz əksini tapan strateji xəttdir. Buna görə də Ankara üçün xüsusi həssaslıq daşıyan məsələlərdə Azərbaycanın prinsipial mövqe nümayiş etdirməsi tamamilə təbii və gözlənilən idi.

Digər tərəfdən, Azərbaycan İsraillə də uzun illər qarşılıqlı etimad və strateji tərəfdaşlıq əsasında münasibətlər qurub. Məhz bu etibarlı münasibətlər Bakıya dost ölkə ilə açıq və səmimi dialoq aparmaq imkanı verdi. Əsl strateji tərəfdaşlıq yalnız razılaşmalardan ibarət olmur. Zərurət yarandıqda fikir ayrılıqlarını da qarşılıqlı hörmət çərçivəsində müzakirə etmək həmin tərəfdaşlığın yetkinlik göstəricisidir.

"Diqqət çəkən məqamlardan biri də odur ki, Azərbaycanın arqumentləri İsrail siyasi dairələrində və ekspert mühitində də ciddi müzakirə mövzusuna çevrildi. Bir çox israilli siyasətçi və ekspert bu təşəbbüsün ölkələrinin milli maraqlarına xidmət etmədiyini, regionun geosiyasi reallıqları fonunda əlavə risklər yarada biləcəyini vurğuladılar.
Düşünürəm ki, təşəbbüsün irəliləməsinin dayandırılması Azərbaycanın diplomatik fəaliyyətinin effektivliyini göstərən mühüm nümunələrdən biridir.

Bu hadisə onu da nümayiş etdirdi ki, Azərbaycan artıq yalnız regional prosesləri izləyən dövlət deyil, həmin proseslərə təsir göstərmək imkanına malik nüfuzlu siyasi aktordur. Prezident İlham Əliyevin həyata keçirdiyi balanslaşdırılmış, müstəqil və praqmatik xarici siyasət nəticəsində Azərbaycan həm Qərb, həm Şərq, həm də Yaxın Şərqdə etibarlı tərəfdaş kimi qəbul edilir. Bu etimad ölkəmizin beynəlxalq nüfuzunu daha da möhkəmləndirir.
Ən mühüm nəticə isə ondan ibarətdir ki, Azərbaycan milli maraqlarına, müttəfiqlik öhdəliklərinə və beynəlxalq hüququn prinsiplərinə əsaslanan xarici siyasət kursunu ardıcıl şəkildə davam etdirir. Məhz bu prinsipiallıq ölkəmizin diplomatik uğurlarının əsas mənbəyidir və gələcəkdə də Azərbaycanın beynəlxalq münasibətlər sistemində söz sahibi olan dövlət kimi mövqeyini daha da gücləndirəcək."-deyə, B.Quliyev əlavə edib.


Sonxeber.az
Telegramda izləyin
Sosial   Baxılıb: 454   Tarix: 10 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Gürcüstanda azərbaycanlı gəncin meyiti tapıldı

Gürcüstanda azərbaycanlıların kompakt yaşadığı Marneuli rayonunda faciəvi hadisə baş verib. "Qafqazinfo" yerli mediaya istinadən xəbər verir ki, rayonun Təzəkənd kənd sakini 26 yaşlı Emil Məmmədovun meyiti yaşadığı evdə tapılıb. Onun ölüm səbəbinin müəyyənləşdirilməsi məqsədilə Gürcüstanı

16 noyabr
.

Sabah hava necə olacaq?

Noyabrın 18-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi şəhərətrafı ərazilərdə az yağış yağacağ

17 noyabr
.

Bab əl-Məndəb və Hörmüz eyni vaxtda risk altında: Azərbaycan tranzit marşrutları üçün bunun mənası nədir?

Körfəzdə gərginlik yenidən artıb. Noyabrın 13-də İran İnqilab Keşikçiləri Korpusu Bəhreyndəki ABŞ radarına hücum etdiyini açıqladı. ABŞ Mərkəzi Komandanlığı (CENTCOM) iki dronun vurulduğunu bildirdi, itki və zərər olmadığını dedi və radar iddiasını təkzib etdi (Al Jazeera, Reuters). Hər iki tərəfin iddias

16 noyabr
.

Saatlıq əməkhaqqı sistemi tətbiq ediləcək

Azərbaycanda saatlıq əməkhaqqı sistemi tətbiq ediləcək. "Qafqazinfo" xəbər verir ki, bu, Milli Məclisin bu gün keçirilən iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən, aşağıdakı hallardan biri olduqda saatlıq əməkhaqqı müəyyən ediləcək:

17 noyabr
.

Güclü küləklə bağlı xəbərdarlıq

Noyabrın 17-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı xəbərdarlıq edilib. Bu barədə -a Milli Hidrometeorologiya Xidmətindən məlumat verilib. Bildirilib ki, Bakıda və Abşeron yarımadasında, Şamaxı, Qobustan, Xızı, Xaçmaz, Siyəzən, Şabran

16 noyabr
.

Məşhur salonlar şəbəkəsinin rəhbəri ilə bağlı məhkəmədən qərar

"Beautytime" salonlar şəbəkəsinin rəhbəri Könül Həmzəyevanın təqsirləndirilən şəxs qismində cəlb olunduğu işlərdən biri yekunlaşıb. "Unikal"a istinadən xəbər verir ki, xüsusi ittihamçı Röyal Masiyevin şikayəti əsasında Könül Həmzəyevanın Cinayət Məcəlləsinin 147.2-ci (ağır cinayə

16 noyabr
.

Novxanıda sərnişinlər avtobusda ekstrim yaşadı - Video

Paytaxtın Zabrat qəsəbəsi ilə Novxanı qəsəbələrini birləşdirən 537 saylı müntəzəm marşrut xəttində maraqlı anlar yaşanıb. "Qafqazinfo" xəbər verir ki, Novxanı qəsəbəsi istiqamətində əsas yolun bağlı olması səbəbindən nəqliyyat vasitələri çimərliklərin ərazisi ilə hərəkət etməli olub. Bu zama

16 noyabr
.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr