Selin fəsadlar törətdiyi Zaqatalada vəziyyət necədir? (FOTO)

Selin fəsadlar törətdiyi Zaqatalada vəziyyət necədir? (FOTO)Bir neçə gün əvvəl yağan güclü yağışlar nəticəsində başlanğıcını Böyük Qafqaz sıra dağlarının cənub ətəklərindən götürən və Zaqatala rayonu ərazisindən keçən Muxax, Tala, Bəkməz və Zilban çaylarında suyun səviyyəsi kəskin artaraq qısamüddətli selə səbəb olub.

AZƏRTAC-ın bölgə müxbiri xəbər verir ki, xüsusilə Talaçay və Zilbançayda suyun səviyyəsinin bir neçə dəfə yüksəlməsi nəticəsində yaşayış evlərinin zirzəmiləri və birinci mərtəbələri, həyətyanı sahələr sel suları altında qalıb. Taxıl, qarğıdalı, bostan-tərəvəz sahələri və fındıq bağlarına da ziyan dəyib.

Hadisədən dərhal sonra rayon icra hakimiyyəti yanında Fövqəladə Hallar Komissiyası, aidiyyəti qurumlar, yerli icra nümayəndəlikləri və bələdiyyələrin əməkdaşları ərazilərə cəlb olunub. İlk növbədə zəruri infrastrukturun bərpasına başlanılıb. Tala və Zilban çaylarında suyun bulanması rayonun içməli su təchizatında çətinliklər yaratsa da, qabaqlayıcı tədbirlər görülüb.

Zaqatala Su Meliorasiya Sistemlərinin İstismarı İdarəsinin rəisi Ruslan Poladov bildirib ki, Talaçay daşqınları ilə tanınsa da, son on ildə bu miqyasda fəsad qeydə alınmayıb. Onun sözlərinə görə, sel ilk növbədə içməli su xətlərinə ciddi ziyan vurub.

Qeyd edək ki, Talaçay Zaqatala şəhəri, eləcə də rayonun ən iri yaşayış məntəqələrindən olan Yuxarı Tala və Aşağı Tala kəndlərinin əsas içməli su mənbələrindən biridir. Ötən əsrin 70-ci illərinin sonlarında istifadəyə verilən su xətti 1990-cı illərin sonlarından etibarən baş verən sellər nəticəsində dəfələrlə qəzalı vəziyyətə düşüb və rayonun daxili imkanları hesabına bərpa olunub. Sonuncu dəfə 2023-cü ildə xəttin yararsız vəziyyətdə olan 1200 metrlik hissəsi yenilənib. Hazırda isə su xətti istismar müddətini başa vurduğundan əsaslı yenidənqurmaya ehtiyac duyulur.

Ruslan Poladovun sözlərinə görə, Talaçay və Zilbançayda suyun səviyyəsinin yüksək, bulanıqlığın isə normadan artıq olması səbəbindən ilk gündən idarənin, eləcə də qonşu rayonların su maşınları əhalinin içməli su ilə təminatına cəlb edilib.

"Talaçay və Zilbançay mənbələrinin sel nəticəsində zədələnməsi, hidrotexniki qurğuların qum-çınqıl qatı altında qalması vəziyyəti çətinləşdirsə də, operativ tədbirlər sayəsində çıxış yolu tapıldı", - deyə idarə rəisi bildirib.

Onun sözlərinə görə, əməkdaşlar növbəli iş rejiminə keçib, qonşu rayonlardan cəlb olunan 10 su maşını vasitəsilə əhaliyə içməli su çatdırılıb. Bundan başqa, bütün artezian quyuları işə salınıb və su daşıyan avtomobillər yaşayış məntəqələrinə yönləndirilib. Fasiləsiz aparılan işlər nəticəsində Zilbançay mənbəsində bərpa tədbirləri qısa müddətdə başa çatdırılıb və iyulun 10-dan etibarən şəhərə suyun verilməsi bərpa olunub. Hazırda Zaqatala şəhərinə su qrafik əsasında verilir, eyni zamanda su maşınları vasitəsilə təminat davam etdirilir. Talaçayın Meşleş mənbəsində isə bərpa işləri sürətlə aparılır.

İdarə rəisi bildirib ki, bu günlərdə şəhər sakinləri də həmrəylik nümayiş etdirərək qonşularının su təminatına dəstək olublar. Xüsusilə Elvin və Toğrul qardaşları özlərinə məxsus su maşını ilə heç bir ödəniş tələb etmədən gündə bir neçə dəfə əhaliyə içməli su çatdırır və bu xeyirxah təşəbbüsü hazırda da davam etdirirlər.

Ruslan Poladov qeyd edib ki, hazırda Tala və Zilban çaylarında ağır texnikalar fasiləsiz işləyir, məcratənzimləmə işləri aparılır, çay yataqlarında daha möhkəm qum-çınqıl mühafizə bəndləri qurulur. Eyni zamanda Muxax və digər çaylarda da vəziyyət nəzarətdə saxlanılır. Onun sözlərinə görə, işlərə qonşu rayonlardan əlavə ağır texnikalar cəlb olunub və selin fəsadlarının tam aradan qaldırılması istiqamətində tədbirlər davam etdirilir.
Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)Selin fəsadlar törətdiyi Zaqatalada vəziyyət necədir? (FOTO)


Sonxeber.az
Telegramda izləyin
Sosial   Baxılıb: 573   Tarix: 13 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

10° şaxta olacaq

Noyabrın 17-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşam bəzi şəhərətrafı ərazilərdə qısamüddətli az yağı

16 noyabr
.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

Daha bir vəkil həbs edildi

Azərbaycanda daha bir vəkil həbs edilib. "Qafqazinfo"nun əldə etdiyi məlumata görə, vəkil Elçin Əmirov polis tərəfindən tutulub. 9 saylı vəkil bürosunda fəaliyyət göstərən vəkil polisə daxil olan vətəndaş şikayəti əsasında cinayət məsuliyyətinə cəlb edilib. Ona qarşı Cinayət Məcəlləsinin 178.2.2-c

16 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Mediaya ayrılan pul çox azdır - Deputat

Mediaya ayrılan pul çox azdır. xəbər verir ki, bunu Milli Məclisin bu gün keçirilən plenar iclasında 2027-ci ilin dövlət büdcəsi zərfinin müzakirəsində deputat Hikmət Babaoğlu deyib. Deputat bildirib ki, düşüncəni, milli düşüncə platformasının keyfiyyətini təyin edən mediadır, televiziyalardır, televiziy

16 noyabr
.

Güclü küləkdə paytaxtda 32 ağac sınıb - Fotolar

Noyabrın 15-i axşam saatlarından başlayaraq paytaxtda əsən güclü külək nəticəsində ümumilikdə 32 ağac sınıb, 36 ağacın isə budaqları qırılıb. xəbər verir ki, bu barədə Baki Şəhər İcra Hakimiyyətinin (BŞİH) Mətbuat xidməti məlumat yayıb. Bildirilib ki, Bakıda ötən gündən etibarən müşahidə olunan gücl

16 noyabr
.

Yevlaxda ağır qəzada 2 nəfər öldü

Yevlax rayonunda ağır yol-nəqliyyat hadisəsi baş verib. "Qafqazinfo" xəbər verir ki, qəza Mingəçevir-Bəhrəmtəpə avtomobil yolunun Yevlax rayonunun Aran qəsəbəsi ərazisindən keçən hissəsində qeydə alınıb. Hadisə zamanı Naftalan şəhər sakinləri - 200-ci il təvəllüdlü Pəri Məstəliyeva və Tura

17 noyabr
.

Şəmkirdə meyiti tapılanlarla bağlı - Yeni detallar

Ötən gün Şəmkirdə evdə iki nəfərin meyitinin tapılması ilə bağlı bəzi təfərrüatlar üzə çıxıb. "Qafqazinfo" xəbər verir ki, ilkin araşdırmalar zamanı rayonun Varlı Həyat kəndində 1968-ci il təvəllüdlü Rəfi Mustafayevin özünə məxsus evdə qeyri-rəsmi münasibətdə yaşadığı qadını qətlə yetirməsin

17 noyabr