Şuşa Qlobal Media Forumu Azərbaycanın regionda yaratdığı yeni reallıqların beynəlxalq ictimaiyyətə çatdırılması üçün mühüm imkandır

Şuşa Qlobal Media Forumu Azərbaycanın regionda yaratdığı yeni reallıqların beynəlxalq ictimaiyyətə çatdırılması üçün mühüm imkandır"Şuşa Qlobal Media Forumu beynəlxalq informasiya məkanında mühüm platformadır. Bu cür mühüm tədbirin Şuşada keçirilməsi ermeni vandalizmini beynəlxalq media nümayəndələri vasitəsilə bir daha dünyaya çatdırılması üçün əhəmiyyətlidir".

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, iki gün davam edəcək Şuşada IV Şuşa Qlobal Media Forumu geniş beynəlxalq təmsilçilik nəzərdə tutulur. Bu il forumda 53 ölkədən 160-a yaxın xarici qonağın, o cümlədən 30-a yaxın informasiya agentliyinin, 60-dan çox media qurumunun, 10-a yaxın beynəlxalq təşkilat və şirkətin, eləcə də media sahəsi ilə əlaqəli digər qurumların nümayəndələri iştirak edir. Forum qlobal informasiya gündəliyində yer alan aktual məsələlərin müzakirəsi, beynəlxalq əməkdaşlığın inkişafı, media sahəsində yeni çağırışlarla bağlı təcrübə və fikir mübadiləsinin aparılması baxımından mühüm platforma hesab olunur. İki gün ərzində "Media obyektivində sülh quruculuğu və ictimai diskurs", "Dağıntıdan dirçəlişə: Şəhərsalma narrativləri və media məsuliyyəti" və "Etimadın bərpasında media diplomatiyası və media savadlılığının rolu" mövzularında panel iclasları keçiriləcək. Geosiyasi gərginliyin artdığı, süni intellekt texnologiyalarının sürətlə inkişaf etdiyi indiki dövrdə bu mövzuların xüsusi aktuallıq kəsb etdiyi şübhəsizdir. Bir sözlə forun panel müzakirələrinin mövzuları da müasir qlobal çağırışları əhatə edir".

Deputat vurğulayıb ki, açılış mərasimində iştirak edən cənab prezident İlham Əliyev çıxışında bir çox vacib məsələlərə toxunub:

"Ölkə başçısı ilk olaraq forumun əhəmiyyətindən danışaraq tədbirin keçirilməsinin məqsədi dünyanın müxtəlif guşələrindən gəlmiş media nümayəndələri ilə qarşılıqlı maraq və narahatlıq doğuran məsələlər haqqında danışmaq, Qarabağla, Şuşa ilə tanış etməkdir. Forumda iştirak edən beynəlxalq media nümayəndələri erməni vandalizmini öz gözləri ilə görəcəklər və Qarabağın inkişafını, yenidən qurulmasını şahidi olacaqlar. Ölkə başçısı çıxışında Avropa Şurası və Avropa İttifaqı ilə münasibətlərə də toxunub. Qeyd edib ki, Azərbaycan Avropa Şurasından tam çıxmağı nəzərdən keçirir. Qarabağ münaqişəsi davam edən dövrdə və eləcə də bu gün Azərbaycan Avropa Şurasının haqsız mövqeyi ilə qarşılaşıb və daim ölkəmizə qarşı əsassız iddialar irəli sürür, qətnamələr qəbul edirlər. 30 ildən çox torpaqlarımızı işğal altında saxlayan Ermənistanı cəzalandırmaq üçün bir dəfə olsa qətnamə qəbul etməyən Avropa Şurası dəfələrlə Azərbaycana qarşı haqsiz mövqe sərgiləyib. 2023-cü ildə biz öz legitim hüququmuzdan istifadə edərək seperatçıların əlində qalan torpaqlarımızı işğaldan azad etdik. Amma Avropa Şurası Azərbaycanı cəzalandırmaq üçün qətnamələr qəbul etdilər. Avropa Şurası əsil üzünü 2024-cü ildə yanvarında Azərbaycan nümayəndə heyətinin akkreditasiyanı bəhanə edib, səsvermə hüququndan məhrum etdiyində göstərdi. Ölkə başçısının söylədiyi kimi bu insan hüquqları ilə bağlı məsələ deyildi. Bu, sadəcə bizimlə, ərazi bütövlüyümüzlə bağlı bir cəza idi. Azərbaycan nümayəndə heyəti çox müdrik qərar qəbul elədi. Onlar görüşlərdə iştirakdan imtina etdilər. Əgər bizim səsvermə hüququmuz yoxdursa, nəyə görə biz orada olmalıyıq?! Azərbaycan Avropa İnsan Hüquqları Məhkəməsinin hakimlərinə də səs verməyib.Buna görə də biz onların qərarlarını tanımırıq.

Ölkə başçısının söylədiyi kimi Avropa İttifaqının (Aİ) sabiq Xarici işlər və təhlükəsizlik siyasəti üzrə ali nümayəndəsi Cozep Borrellin rəhbərliyi dövründə Azərbaycanla bu qurum arasındakı münasibətlər, demək olar, tam uçuruma gedib. Bəzi korrupsiyaya uğramış şəxslər - Beynəlxalq Cinayət Məhkəməsinin keçmiş prokuroru Luis Moreno Okampo müəyyən maliyyə mənbəyindən yararlanırdı. Erməni oliqarx Ermənistanla bağlı məsələlərdə ona dəstək verib. Bütün bu anti-Azərbaycan qrupu Avropa Komissiyasında mövcud idi. Borrel siyasətdən getdikdən bəri bizim münasibətlər yaxşılaşmağa başladı. Bu ilin bir neçə ay ərzində Brüsseldən Azərbaycana bir sıra səfərlər həyata keçirildi. Martda Aİ Şurasının sədri Antonio Koşta gəldi, daha sonra Avropa İttifaqının Xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallas, iyulda isə Avropa Komissiyasının sədri Ursula fon der Lyayen gəldi. Hazırda Avropa İttifaqı ilə münasibətlər yaxşılaşmağa doğru gedir".

Deputat söyləyib ki, Enerji sahəsində Azərbaycanın gələcək planlarından danışan ölkə başçısı Avropa İttifaqı (Aİ) ölkələrinə təbii qaz tədarükünü genişləndirməklə bağlı danışıqlar aparıldığını vurğulayıb:

"Bu ildən Avstriya və Almaniyaya qaz ixracına başlamışıq. Bu, bizim ümumi strategiyamızın tərkib hissəsidir ki, Avropa və qlobal bazarda mövcudluğumuzu gücləndirək. Avropa bazarı premium bazardır, ən yaxşı qiymətlər ordadır və təbii ki, biz orada öz imkanlarımızı genişləndirməkdə maraqlıyıq. Artıq 16 ölkəyə boru kəmərləri ilə qaz nəql edirik. Bu baxımdan bu göstərici üzrə biz dünyada birinci yerdəyik və bu imkanlar genişləndiriləcək. Biz Avropa İttifaqının digər üzvləri ilə də danışıqlar aparırıq. Həm təchizatın başladılması, həm də həcmlərin artırılması ilə bağlı danışıqlar getdiyini bildirən prezident İlham Əliyev bununla bağlı müraciətlərin olduğunu da bildirib.Bu gün Azərbaycan etibarlı tərəfdaşdır, proqnozlaşdırıla bilən mənbədir və bizim 10 il bundan öncə ilə müqayisə etsək, rolumuz daha vacibdir.

Bundan başqa, dövlət başçısı çıxışında bildirdi ki, "mavi yanacaq" hasilatını artırmaq üçün müvafiq işçi proqram tərtib edilib və sərmayə portfeli yaradılıb. Ölkə başçısının qeyd etdiyi kimi bərpa olunan enerji ilə bağlı da işlər görülür. Bunun sayəsində biz qaza qənaət edəcəyik. 2032-ci ilə qədər biz bərpa olunan enerjinin həcmini 8 giqavata çatdıracağıq və bu, bizə ildə 2-3 milyard kubmetr qaza qənaət etməyə kifayət edəcək. Bu gün həmin qaz elektrik enerjisinin istehsalı üçün sərf edilir. Yəni bu iki vacib faktor: qaz hasilat portfeli və profili genişləndirilir və lazımi olan bazar var. Və biz burada nəqliyyat infrastrukturunu genişləndirməliyik. Bizim qaz infrastrukturumuz 2022-ci il Rusiya-Ukrayna müharibəsindən əvvəlki dövrə uyğun tərtib edilib. O zaman bizim proqnozlarımız və strategiyamız ondan ibarət idi ki, biz hasilat prosesini uzadaq və bu həcmləri sabit saxlayaq, və ya daha çox sərmayə qoyaq və daha çox qaz hasil edək. Ancaq müharibə başlayandan sonra Azərbaycan qazına olan tələbat kəskin artdı. Avropa Komissiyasından bizə müraciət edildi ki, Azərbaycan əlindən gələni etsin ki, biz hasilatı artıraq. Biz 2022-ci illə müqayisədə Avropa İttifaqına ixracı 65 % artırdıq və bu rəqəm getdikcə artacaq. Yəni, mövcud nəqliyyat infrastrukturunun genişləndirilməsi vacibdi.x

Dövlət başçısı çıxışında Azərbaycan-ABŞ münasibətlərinə, "907-ci düzəliş", rəqəmsal transformasiya və süni intellektin inkişafı kimi mühüm məsələlərə də toxunub. Cənab prezident İlham Əliyev vurğulayıb ki, Azərbaycanın qlobal gündəliyi dayanıqlı inkişafın təyin edilməsi, Qarabağın bərpası, yenidən qurulması, bu layihələrin yekunlaşdırılmasıdır.Onların həyata keçirilməsi nəticəsində nəqliyyat marşrutları yaradılacaq. Azərbaycanın enerji resurslarına tələbat artır. Eləcə də bərpa olunan enerjiyə. Bizim böyük potensialımız var. Yalnız burada, Qarabağ bölgəsində 340 meqavat su, 340 meqavat gücündə günəş elektrik stansiyalarının inşasını bitiririk. Avropa bazarlarına elektrik enerjisinin ixracı gündəliyimizdə olan əsas məsələlərdən biridir. Çünki Avropanın buna ehtiyacı var.

İki gün davam edəcək forumun panel müzakirələrinin mövzuları da müasir qlobal çağırışları əhatə edir. Belə ki, "Media obyektivində sülh quruculuğu və ictimai diskurs", "Dağıntıdan dirçəlişə: Şəhərsalma narrativləri və media məsuliyyəti" və "Etimadın bərpasında media diplomatiyası və media savadlılığının rolu" mövzularında panel iclasları keçiriləcək. Geosiyasi gərginliyin artdığı, süni intellekt texnologiyalarının sürətlə inkişaf etdiyi indiki dövrdə bu mövzuların xüsusi aktuallıq kəsb etdiyi şübhəsizdir. Ümumiyyətlə, forum həm də Azərbaycanın regionda yaratdığı yeni reallıqların beynəlxalq ictimaiyyətə çatdırılması üçün mühüm imkandır".


Sonxeber.az
Telegramda izləyin
Sosial   Baxılıb: 497   Tarix: 13 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

10° şaxta olacaq

Noyabrın 17-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşam bəzi şəhərətrafı ərazilərdə qısamüddətli az yağı

16 noyabr
.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

Daha bir vəkil həbs edildi

Azərbaycanda daha bir vəkil həbs edilib. "Qafqazinfo"nun əldə etdiyi məlumata görə, vəkil Elçin Əmirov polis tərəfindən tutulub. 9 saylı vəkil bürosunda fəaliyyət göstərən vəkil polisə daxil olan vətəndaş şikayəti əsasında cinayət məsuliyyətinə cəlb edilib. Ona qarşı Cinayət Məcəlləsinin 178.2.2-c

16 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Mediaya ayrılan pul çox azdır - Deputat

Mediaya ayrılan pul çox azdır. xəbər verir ki, bunu Milli Məclisin bu gün keçirilən plenar iclasında 2027-ci ilin dövlət büdcəsi zərfinin müzakirəsində deputat Hikmət Babaoğlu deyib. Deputat bildirib ki, düşüncəni, milli düşüncə platformasının keyfiyyətini təyin edən mediadır, televiziyalardır, televiziy

16 noyabr
.

Güclü küləkdə paytaxtda 32 ağac sınıb - Fotolar

Noyabrın 15-i axşam saatlarından başlayaraq paytaxtda əsən güclü külək nəticəsində ümumilikdə 32 ağac sınıb, 36 ağacın isə budaqları qırılıb. xəbər verir ki, bu barədə Baki Şəhər İcra Hakimiyyətinin (BŞİH) Mətbuat xidməti məlumat yayıb. Bildirilib ki, Bakıda ötən gündən etibarən müşahidə olunan gücl

16 noyabr
.

Yevlaxda ağır qəzada 2 nəfər öldü

Yevlax rayonunda ağır yol-nəqliyyat hadisəsi baş verib. "Qafqazinfo" xəbər verir ki, qəza Mingəçevir-Bəhrəmtəpə avtomobil yolunun Yevlax rayonunun Aran qəsəbəsi ərazisindən keçən hissəsində qeydə alınıb. Hadisə zamanı Naftalan şəhər sakinləri - 200-ci il təvəllüdlü Pəri Məstəliyeva və Tura

17 noyabr
.

Şəmkirdə meyiti tapılanlarla bağlı - Yeni detallar

Ötən gün Şəmkirdə evdə iki nəfərin meyitinin tapılması ilə bağlı bəzi təfərrüatlar üzə çıxıb. "Qafqazinfo" xəbər verir ki, ilkin araşdırmalar zamanı rayonun Varlı Həyat kəndində 1968-ci il təvəllüdlü Rəfi Mustafayevin özünə məxsus evdə qeyri-rəsmi münasibətdə yaşadığı qadını qətlə yetirməsin

17 noyabr