Ağacdan dərib yedikləri albalı ər-arvadın həyatına son qoydu

Türkiyənin Kastamonu vilayətinin Tosya rayonunda ağacdan dərdikləri albalını yedikdən sonra halı pisləşən ər-arvad həyatını itirib.

Sonxeber.az xarici mediaya istinadla xəbər verir ki, 63 yaşlı Ahmet Derin və 60 yaşlı həyat yoldaşı Rahime Derin iyulun 1-də qohumlarına məxsus bağda albalı yedikdən sonra özlərini pis hiss ediblər. Xəstəxanaya çatdırılan Ahmet Derin həmin gün, reanimasiyada müalicə alan Rahime Derin isə bir gün sonra vəfat edib.

Hadisənin dəqiq ölüm səbəbi ekspertiza rəyi ilə müəyyənləşdiriləcək. Eyni zamanda albalı ağacında kənd təsərrüfatı dərmanlarının olub-olmamasını müəyyən etmək üçün nümunələr götürülüb.

Faktla bağlı araşdırma davam edir.

Telegramda izləyin