Polisin "saxla" əmrinə tabe olmayan sürücü qadınları maşında qoyub qaçdı - VİDEO

Türkiyənin Karabük vilayətində polisin "dayan" əmrinə tabe olmayan sürücü avtomobillə qaçmağa çalışsa da, çıxılmaz küçədə ilişdikdən sonra nəqliyyat vasitəsini yol kənarında saxlayaraq hadisə yerindən piyada qaçıb.

Sonxeber.az xarici mediaya istinadla xəbər verir ki, sürücü avtomobildə olan iki qadın hadisə yerində qoyub qaçıb. Əraziyə çoxsaylı polis əməkdaşları cəlb edilib və şübhəlinin tutulması üçün evlərdə, həyətlərdə və istifadəsiz binalarda axtarış aparılıb.

Hadisə zamanı yaşanan təqib anları ərazidəki təhlükəsizlik kameraları tərəfindən qeydə alınıb.

Avtomobil araşdırma aparılması üçün cərimə meydançasına aparılıb, nəqliyyat vasitəsində olan iki qadın isə ifadələrinin alınması məqsədilə polis idarəsinə aparılıb.

Polis qaçan sürücünün saxlanılması istiqamətində əməliyyat-axtarış tədbirlərini davam etdirir. Bildirilib ki, avtomobilin dövlət qeydiyyat nişanı üzrə müxtəlif qayda pozuntularına görə cərimələr də tətbiq edilib.

Telegramda izləyin