IV Şuşa Qlobal Media Forumu sübut etdi ki, Azərbaycan regional sülhün, əməkdaşlığın və inkişafın təşviqinə töhfə verən aktora çevrilib

"IV Şuşa Qlobal Media Forumunda Azərbaycanın xarici siyasət prioritetlərini və regionun gələcək inkişaf istiqamətlərini müəyyən edən mühüm mesajlar verildi".

Bunu Sonxeber.az-a danışan deputat Jalə Əliyeva bildirib.

Deputat qeyd edib ki, IV Şuşa Qlobal Media Forumu Azərbaycanın beynəlxalq informasiya məkanında mövqeyinin gücləndirilməsi baxımından mühüm əhəmiyyət daşıyır. Şuşanın beynəlxalq tədbirlərə ev sahibliyi etməsi Azərbaycanın bölgədə sabitlik və inkişaf mesajını dünyaya çatdırır.Onlarla ölkədən media nümayəndələrinin iştirakı Azərbaycanın xarici siyasəti və regional məsələlərlə bağlı mövqeyinin beynəlxalq auditoriyaya birbaşa təqdim edilməsinə imkan yaradır.Forum müxtəlif ölkələrin media qurumları arasında əməkdaşlığın inkişafına mühüm töhfə verir. Forum çərçivəsində dezinformasiyaya və saxta xəbərlərə qarşı mübarizə yolları müzakirə olunur. Süni intellekt dövründə media etikası, faktların yoxlanılması və etibarlı jurnalistikanın rolu ön plana çıxarılır.İnformasiya təhlükəsizliyinin gücləndirilməsi istiqamətində beynəlxalq təcrübə paylaşılır.

Bundan əlavə forum Şuşanın beynəlxalq tədbirlər mərkəzi kimi tanınmasına kömək edir.Azərbaycanın turizm potensialının və Qarabağda aparılan bərpa-quruculuq işlərinin xarici mediada geniş işıqlandırılmasına şərait yaradır.Bu da ölkənin investisiya və turizm cəlbediciliyinin artmasına müsbət təsir göstərir. Ən önəmlisi isə forum Azərbaycanın qlobal dialoqa açıq olduğunu nümayiş etdirir. Müxtəlif ölkələrdən jurnalistlərin iştirakı ölkə haqqında məlumatların daha geniş auditoriyaya çatdırılmasına imkan verir və beynəlxalq media əlaqələrini möhkəmləndirir. Ümumilikdə isə IV Şuşa Qlobal Media Forumu təkcə media sahəsində deyil, həm də Azərbaycanın beynəlxalq nüfuzunun artırılması, informasiya təhlükəsizliyinin gücləndirilməsi və Şuşanın beynəlxalq tədbirlər məkanı kimi tanıdılması baxımından mühüm əhəmiyyət daşıyır".

Deputat vurğulayıb ki, IV Şuşa Qlobal Media Forumunda dövlət başçımızın səsləndirdiyi fikirlər təkcə Azərbaycanın xarici siyasət prioritetlərini deyil, həm də regionun gələcək inkişaf istiqamətlərini müəyyən edən mesajlar kimi qiymətləndirmək olar:

"ABŞ Prezidenti Donald Tramp Azərbaycan Prezidenti İlham Əliyevin Şuşa Qlobal Media Forumunda səsləndirdiyi fikirlərin yer aldığı, "Breitbart News" nəşrində dərc olunmuş məqaləni özünün "Truth Social" sosial şəbəkəsində paylaşması bu forumun dünya üçün əhəmiyyətini bir daha sübut edir. Azərbaycanın son illərdə müxtəlif qlobal tədbirlərə ev sahibliyi etməsi ölkənin beynəlxalq etimadının göstəricisidir. Bakı və Şuşanın beynəlxalq siyasi, humanitar və media platformalarına çevrilməsi Azərbaycanın qlobal dialoqda rolunun artdığını nümayiş etdirir.

IV Şuşa Qlobal Media Forumu sübut etdi ki, artıq yalnız öz təhlükəsizliyini təmin edən dövlət deyil, həm də regional sülhün, əməkdaşlığın və inkişafın təşviqinə töhfə verən aktora çevrilib".

Telegramda izləyin