"Şuşa Qlobal Media Forumu artıq təkcə media nümayəndələrinin görüş platforması deyil" - AÇIQLAMA
"ABŞ Prezidenti Donald Trampın Azərbaycan Prezidenti İlham Əliyevin IV Şuşa Qlobal Media Forumunda səsləndirdiyi fikirlərlə bağlı "Breitbart News" məqaləsini özünün "Truth Social" hesabında paylaşması təkcə informasiya mübadiləsi deyil, həm də siyasi və diplomatik baxımdan diqqətçəkən hadisədir. Bu paylaşım göstərir ki, Şuşa Qlobal Media Forumunda səsləndirilən fikirlər beynəlxalq siyasi dairələrin diqqət mərkəzindədir və qlobal informasiya məkanında rezonans doğurur" - bunu Sonxeber.az -a açıqlama verən "Səs" qəzetinin baş redaktoru, siyasi ekspert Bəhruz Quliyev deyib:
"Prezident İlham Əliyevin forum zamanı Donald Trampı "sülh adamı" kimi xarakterizə etməsi və Ermənistan-Azərbaycan münasibətlərinin normallaşması istiqamətində göstərilən səyləri yüksək qiymətləndirməsi Azərbaycanın sülh gündəliyinə sadiqliyinin növbəti nümayişidir. Eyni zamanda, əvvəlki ABŞ administrasiyalarının uzun illər münaqişənin həllindən daha çox status-kvonun saxlanmasına üstünlük verməsi ilə bağlı səsləndirilən fikirlər regionun son otuz illik geosiyasi reallıqlarına verilən siyasi qiymət kimi qəbul edilə bilər."
Ekspert qeyd edib ki, Donald Trampın bu çıxışdan məhz həmin məqamları önə çıxaran materialı paylaşması onu göstərir ki, Azərbaycanın mövqeyi artıq yalnız regional deyil, qlobal siyasi müzakirələrin də mühüm hissəsinə çevrilir. Bu, Azərbaycanın həyata keçirdiyi müstəqil xarici siyasətin, Prezident İlham Əliyevin beynəlxalq nüfuzunun və ölkəmizin artan geosiyasi rolunun göstəricisidir:
"Hesab edirəm ki, Şuşa Qlobal Media Forumu artıq təkcə media nümayəndələrinin görüş platforması deyil. Forum beynəlxalq informasiya diplomatiyasının mühüm mərkəzinə çevrilib. Burada səslənən fikirlərin dünyanın aparıcı media qurumlarında işıqlandırılması və dövlət başçıları tərəfindən diqqətlə izlənilməsi Azərbaycanın təşəbbüsü ilə yaradılmış bu platformanın nüfuzunu daha da artırır.
Bu hadisə bir daha sübut edir ki, müasir dövrdə informasiya diplomatiyası klassik diplomatiyanın ayrılmaz tərkib hissəsinə çevrilib. Həqiqətlərin beynəlxalq auditoriyaya düzgün çatdırılması, dezinformasiyaya qarşı mübarizə və Azərbaycanın milli maraqlarının qlobal mediada müdafiəsi baxımından Şuşa Qlobal Media Forumu mühüm strateji əhəmiyyət daşıyır.
Hesab edirəm ki, Donald Trampın paylaşımı həm Azərbaycanın beynəlxalq informasiya siyasətinə verilən diqqətin, həm də Prezident İlham Əliyevin beynəlxalq siyasi gündəmdə xüsusi çəkisinin göstəricisidir. Bu, eyni zamanda, Azərbaycanın regionda sülhün və sabitliyin təmin olunmasına yönəlmiş təşəbbüslərinin beynəlxalq səviyyədə diqqətlə izlənildiyini və yüksək qiymətləndirildiyini təsdiqləyən mühüm siyasi siqnaldır".
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri