Bakıda valideynlərinin işgəncə verdiyi bacı-qardaşın taleyi necə olacaq? - RƏSMİ AÇIQLAMA

Bakıda valideynlərinin işgəncə verdiyi bacı-qardaşın taleyi necə olacaq? - RƏSMİ AÇIQLAMABakıda valideynləri tərəfindən işgəncə gördükləri üçün evdən qaçan və daha sonra tapılan azyaşlı bacı-qardaşla bağlı daha bir rəsmi açıqlama verilib.

Oxu.Az-ın sorğusuna cavab olaraq Sosial Xidmətlər Agentliyindən bildirilib ki, məlumat daxil olan kimi qurumun əməkdaşları prosesə cəlb olunublar:

"Hazırda uşaqların mövcud vəziyyəti qiymətləndirilir. Müayinə və qiymətləndirmə prosedurları başa çatdıqdan sonra uşaqların mənafeyi əsas götürülərək, onların daimi qayğı ilə əhatə olunmaları üçün Sosial Xidmətlər Agentliyi tərəfindən qanunvericiliyə uyğun tədbirlər görüləcək".

18:10

Bakıda tapılan azyaşlı bacı-qardaşla bağlı rəsmi açıqlama verilib.

Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu Oxu.Az-ın sorğusuna cavab olaraq bildirib ki, məsələ ilə bağlı aidiyyəti dövlət qurumları tərəfindən qanunvericiliyin tələblərinə uyğun araşdırma aparılır.

Onun sözlərinə görə, faktla bağlı məlumat daxil olan kimi uşaqların yerləşdirildiyi "Təmiz Dünya" Qadınlara Yardım İctimai Birliyinin rəhbəri Mehriban Zeynalova ilə əlaqə saxlanılıb:

"Uşaqların təhlükəsizliyinin təmin edilməsi, onların fiziki və psixoloji vəziyyətinin qiymətləndirilməsi, zəruri tibbi, psixoloji və sosial xidmətlərlə əhatə olunması istiqamətində tədbirlər həyata keçirilir. Məhkəmə-tibbi ekspertizanın rəyi, hüquq-mühafizə orqanlarının araşdırmasının nəticələri və digər sübutlar əsasında məsələyə hüquqi qiymət veriləcək. Əgər uşaqlara qarşı zorakılıq faktı təsdiqini taparsa, təqsirli şəxslər Azərbaycan Respublikasının qanunvericiliyinə uyğun olaraq məsuliyyətə cəlb olunacaqlar".

Qeyd olunub ki, valideyn himayəsi ilə bağlı məsələlər uşaqların ən üstün mənafeyi prinsipi əsas götürülməklə həll edilir:

"Qanunvericiliyə uyğun olaraq qəyyumluq və himayə orqanları uşaqların ailəyə qaytarılmasının mümkünlüyünü, yaxın qohum yanında yerləşdirilməsini və ya alternativ qayğı formalarını qiymətləndirirlər. Zərurət yarandığı halda, valideyn hüquqlarının məhdudlaşdırılması və ya həmin hüquqlardan məhrumetmə məsələsi məhkəmə qaydasında həll olunacaq".

Komitə rəsmisi vurğulayıb ki, aidiyyəti qurumlarla birlikdə uşaqların hüquqlarının qorunması, təhlükəsizliyinin təmin edilməsi və onların normal həyata reinteqrasiyası istiqamətində zəruri dəstək tədbirləri davam etdirilir:

"Bir daha valideynləri və cəmiyyəti uşaqlara qarşı hər hansı zorakılıq halı ilə rastlaşdıqda bunu gizlətməməyə, dərhal hüquq-mühafizə orqanlarına və müvafiq dövlət qurumlarına məlumat verməyə çağırırıq. Uşaqların müdafiəsi hər birimizin ortaq məsuliyyətidir".

Daxili İşlər Nazirliyinin (DİN) mətbuat xidmətinin əməkdaşı Lumu İsrəfilli bildirib ki, məsələ ilə bağlı hazırda ərazi polis orqanında araşdırma aparılır.

"Azyaşlılar polis əməkdaşları tərəfindən sığınacağa yerləşdiriliblər. Uşaqların anası polis şöbəsinə çağrılaraq izahatı alınıb. Azyaşlıların bədən xəsarətlərinin dərəcəsinin müəyyən edilməsi məqsədilə məhkəmə-tibbi ekspertizası təyin edilib" , - deyə açıqlamada bildirilib.

17:57

Bakıda valideynləri tərəfindən işgəncə gördükləri üçün evdən qaçan və daha sonra tapılan azyaşlı bacı-qardaşın gələcək taleləri ilə bağlı rəsmi açıqlama verilib.

Xətai Rayon İcra Hakimiyyətindən Oxu.Az-ın sorğusuna cavab olaraq bildirilib ki, hadisə ilə bağlı məlumatlıdırlar və məsələ hazırda Sosial Xidmətlər Agentliyinin nəzarətindədir:

"Biz məlumat vermişik, uşaqların yerləşdirilməsi Sosial Xidmətlər Agentliyi tərəfindən təmin edilib. Ana övladlarından imtina edib. Bu halda dövlət uşaqların himayəsini üzərinə götürəcək. Onların hansı müəssisədə yerləşdirilməsi ilə bağlı qərarı da Sosial Xidmətlər Agentliyi verir".

17:20

Bakıda itkin düşən 2015-ci il təvəllüdlü İ.A. və 2018-ci il təvəllüdlü S.A. bacı-qardaşı tapılıb.

Oxu.Az xəbər verir ki, azyaşlıların yeri Xətai rayonu, Zığ şosesi ərazisində müəyyən edilib.

Hadisə ilə bağlı sonradan dəhşətli detallar üzə çıxıb.

Məlum olub ki, bacı-qardaş uzun müddət ailədaxili zorakılığın qurbanı olub. Onların sözlərinə görə, anaları tərəfindən fiziki və psixoloji zorakılığa məruz qalıb, ataları isə spirtli içki qəbul etdikdən sonra uşaqlara işgəncə verib.

Bununla bağlı "Təmiz Dünya" Qadınlara Yardım İctimai Birliyinin sədri Mehriban Zeynalova sosial şəbəkə hesabında paylaşım edib.

Onun sözlərinə görə, bacı-qardaş yaşadıqları evdən qaçmağı əvvəlcədən planlaşdırıb. Axşam saatlarında evdən çıxan uşaqlar uzun müddət çimə bilmədiklərini deyərək dəniz sahilinə yollanıblar. Onlar gecəni də sahildə keçiriblər.

Səhər saatlarında isə taksi sürücülərindən birinə yaxınlaşaraq onları bibisinin gözlədiyini bildiriblər. Lakin azyaşlıların yanında heç bir böyük şəxsin olmaması sürücüdə şübhə yaradıb. Sürücü onları birbaşa polis şöbəsinə aparıb və bundan sonra hadisənin təfərrüatı üzə çıxıb.

Mehriban Zeynalovanın sözlərinə görə, uşaqların bədənlərində çoxsaylı yara, saçlarında isə yanıq izləri aşkar edilib. Daha sonra onlar sığınacağa yerləşdiriliblər və hər iki uşaq məhkəmə-tibbi ekspertizadan keçirilib.

Paylaşımda qeyd olunub ki, uşaqlar hazırda özlərini təhlükəsiz hiss edirlər. Onlarla söhbət zamanı azyaşlılardan biri uşaqlıqdan ən böyük arzusunun həm özünün, həm də bacısının arzularının gerçəkləşməsi olduğunu deyib.

Mehriban Zeynalova, həmçinin bildirib ki, ana rəsmi qaydada hər iki övladından imtina edib.


Sonxeber.az
Telegramda izləyin
Sosial   Baxılıb: 835   Tarix: 19 iyul 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Saatlıq əməkhaqqı sistemi tətbiq ediləcək

Azərbaycanda saatlıq əməkhaqqı sistemi tətbiq ediləcək. "Qafqazinfo" xəbər verir ki, bu, Milli Məclisin bu gün keçirilən iclasında müzakirə edilən Əmək Məcəlləsinə təklif edilən dəyişiklikdə əksini tapıb. Layihəyə əsasən, aşağıdakı hallardan biri olduqda saatlıq əməkhaqqı müəyyən ediləcək:

17 noyabr
.

Bakıda DƏHŞƏT: Avtobus gənc qızı vuraraq öldürdü

Bakıda səhər saatlarında ölümlə nəticələnən yol-nəqliyyat hadisəsi baş verib. -in "qaynar xətti"nə daxil olan məlumata görə, hadisə Koroğlu metrostansiyasının çıxışında qeydə alınıb. "Daewoo" markalı sərnişin avtobusu yolu keçən gənc qızı vurub. Zərbənin təsirindən ağır xəsarət ala

16 noyabr
.

Evə buraxılan qadın xəstəxana həyətində öldü

Bakıda 65 yaşlı qadın xəstəxananın həyətində vəfat edib. "Qafqazinfo" xəbər verir ki, hadisə Sabunçu rayonunda baş verib. Noyabrın 15-i saat 16 radələrində Maştağa qəsəbə sakini 1961-ci il təvəllüdlü Mətanət Ağasəlim qızı Məlikova qidadan (turşudan) zəhərlənərək xəstəxanaya yerləşdirilib. On

17 noyabr
.

Milli kimliyin qorunması, Azərbaycan həqiqətlərinin təbliği və informasiya təhlükəsizliyinin strateji əhəmiyyəti

Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə televiziya və radio işçilərinə ünvanladığı müraciət ölkəmizin informasiya siyasətinin prioritetlərini, milli-mənəvi dəyərlərin qorunmasının əhəmiyyətini və teleradionun dövlətçilik tariximizdək

16 noyabr
.

Güclü küləkdə paytaxtda 32 ağac sınıb - Fotolar

Noyabrın 15-i axşam saatlarından başlayaraq paytaxtda əsən güclü külək nəticəsində ümumilikdə 32 ağac sınıb, 36 ağacın isə budaqları qırılıb. xəbər verir ki, bu barədə Baki Şəhər İcra Hakimiyyətinin (BŞİH) Mətbuat xidməti məlumat yayıb. Bildirilib ki, Bakıda ötən gündən etibarən müşahidə olunan gücl

16 noyabr
.

Sabah hava necə olacaq?

Noyabrın 18-də gözlənilən hava şəraiti açıqlanıb. Milli Hidrometeorologiya Xidmətindən -a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi şəhərətrafı ərazilərdə az yağış yağacağ

17 noyabr
.

Bakıda təcili yardım maşınında yük daşınır - Video

Bakıda təcili tibbi yardım avtomobili ilə yük daşınmasına dair görüntülər yayılıb. "Qafqazinfo" xəbər verir ki, görüntülər sosial şəbəkələrdə paylaşılıb. Görüntülərdən aydın olur ki, ambulansda tikinti materialları daşınır. Məsələ ilə bağlı Tibbi Ərazi Bölmələrini İdarəetmə Birliyindən (TƏBİB

16 noyabr
.

İçərişəhərdə maşın park etməyin saatı 5 manatdır - RƏSMİ

"Qeyri-rezidentlər üçün qüvvədə olan tariflər ilk 15 dəqiqə üçün 3 manat, sonrakı hər saat üçün isə 5 manat təşkil edir. Avtomatlaşdırılmış sistem tərəfindən hesablanan 6 saat 4 dəqiqəlik parklanma müddəti üzrə 33 manatlıq ödəniş də müəyyən edilmiş tariflərə uyğundur. Tariflər və giriş şərtlər

16 noyabr
.

Milli Məclis gələn ilin büdcə zərfini I oxunuşda müzakirə edir

Milli Məclisin bu gün keçirilən plenar iclasında gələn ilin büdcə zərfi, o cümlədən "2027-ci il dövlət büdcəsi haqqında" qanun layihəsi müzakirəyə çıxarılıb. xəbər verir ki, gələn il büdcənin gəlirləri 39 milyard 254 milyon manat (o cümlədən mərkəzləşdirilmiş gəlirləri 38 milyard 518 milyo

16 noyabr