Bu görüntüləri görən gözlərinə inana bilmir - VİDEO

Türkiyənin Ankara şəhərində yaşayan D.D. adlı qadın 2,5 ildir həyat yoldaşı tərəfindən, hamilə olduğu dövr də daxil olmaqla, sistematik şəkildə zorakılığa məruz qaldığını bildirərək kömək istəyib.

Sonxeber.az xarici mediaya istinadla xəbər verir ki, sosial şəbəkələrdə yayılan görüntülərdə qadının qan içində döyüldüyü əks olunub və hadisə geniş ictimai narazılığa səbəb olub.

Qadının sözlərinə görə, son hadisə iyulun 19-da həyat yoldaşının bacısının evində baş verib. Telefonunda başqa bir qadının nömrəsini görməsi səbəbindən aralarında mübahisə yaranıb. D.D. bildirib ki, dediyi bir cümlədən sonra əri qəfil onun üzünə yumruq vurub.

Qadın daha sonra azyaşlı övladını götürərək evdən qaçmağa çalışsa da, həyat yoldaşının bacısı körpəni qucağından alıb. Bundan sonra müdafiəsiz qalan qadın ərinin onu yatağa yıxaraq dəfələrlə döydüyünü deyib. O, yalnız qaşından qan axdığını görən həyat yoldaşının dayandığını bildirib.

Məlumata görə, cütlüyün azyaşlı qızı da hadisənin şahidi olub.

Görüntülərin yayılmasından sonra sosial şəbəkə istifadəçiləri hüquq-mühafizə orqanlarını hadisəyə müdaxilə etməyə və şübhəlinin məsuliyyətə cəlb olunmasına çağırıblar. Hadisə ilə bağlı hüquqi araşdırmanın aparılması gözlənilir.

Telegramda izləyin