Bakıda ana övladını illərlə zəncirləyib? - AÇIQLAMA

Narkotik aludəçisi olan anası tərəfindən şiddətə məruz qaldığı bildirilən uşaq xəstəxanaya yerləşdirilib.

Sonxeber.az "Qafqazinfo"ya istinadla xəbər verir ki, bu barədə sosial şəbəkələrdə məlumat yayılıb.

İddia edilir ki, yeniyetmə illərdir anası tərəfindən zəncirlənmiş şəraitdə yaşayıb, təhsildən yayındırılıb.

Daxili İşlər Nazirliyinin Mətbuat Xidmətinin əməkdaşı Cəsarət Qənbərli bildirib ki, qeyd olunan məsələ ilə bağlı ərazi polis idarəsində araşdırma aparılır.

Uşaq ilkin tibbi müayinədən keçirilməsi və sığınacaqla təmin olunması məqsədilə polis əməkdaşları tərəfindən xəstəxanaya yerləşdirilib.

Həmçinin ananın narkoloji və psixoloji vəziyyətinin qiymətləndirilməsi istiqamətində də müvafiq tədbirlər görülür. Araşdırmanın nəticəsindən asılı olaraq hüquqi qiymətləndirmə aparılacaq.

Telegramda izləyin