"Əvvəllər də bir-iki qoyun satıb evdən gedib" - Salyanda müəmmalı şəkildə itən gənc çobanla bağlı yeni TƏFƏRRÜAT - VİDEO

Salyanda 85 baş qoyunu oğurlanan təsərrüfat sahibinin hadisədə şübhəli bilinən oğlundan hələ də xəbər yoxdur.

Sonxeber.az "Xəzər" TV-yə istinadla xəbər verir ki, təsərrüfatlarındakı 85 baş qoyunu otarmaq üçün örüş sahəsinə aparan kənd sakini Ramiz Rüstəmov günorta saatlarında hətta evlə görüntülü əlaqə saxlayaraq danışıb.

Oğlundan şübhələnən atası qohumu ilə birlikdə qoyunları axtarmağa başlayıb. 71 baş qoyunu Xırdalanda taparaq geri qaytarıb. Amma Ramizdən və geri qalan qoyunlardan bu vaxta qədər heç bir xəbər almaq mümkün olmayıb.

Yaxınlarının sözlərinə görə, Ramiz əvvəllər də bir-iki qoyun sataraq evdən gedib, amma anasına və qohumlarına harada olduğu haqqında xəbər verib. Bu dəfə isə ondan heç bir xəbər yoxdur. İndi ailə oğlundan xəbər gözləyir.

Telegramda izləyin