Dəbdəbəli ad günü, bahalı avtomobillər: 23 yaşlı "hamlet800" kimdir?
"TikTok" sosial şəbəkəsində "hamlet800" adı ilə tanınan 23 yaşlı Hamlet Vəlizadənin təşkil etdiyi dəbdəbəli doğum günü mərasimi sosial şəbəkələrdə geniş rezonans doğurub.
Bakıvaxtı.az xəbər verir ki, mərasimdə tanınmış "TikTok" fenomenlərinin iştirakı və nümayiş etdirilən bahalı həyat tərzi istifadəçilər arasında ciddi suallar yaradıb.
İctimaiyyəti düşündürən əsas məqam isə gənc yaşda olduğu bildirilən Hamlet Vəlizadənin adına bağlanan biznes fəaliyyəti və maddi imkanların mənbəyidir. Sosial şəbəkələrdə onun restoran biznesi, avtomobil alqı-satqısı fəaliyyəti və digər kommersiya layihələri ilə əlaqəli olduğu iddia olunur. Lakin bu fəaliyyətlərin hüquqi statusu, sahiblik strukturu və maliyyə mənbələri barədə indiyədək hər hansı rəsmi açıqlama verilməyib. Gəncin "Karkas Cars" avto salonu ilə əlaqəli olduğu bildirilir.
Əldə etdiyimiz məlumata görə, Hamlet Vəlizadənin atası "elmeddin800" ləqəbi ilə tanınan Elməddin Vəliyevdir. Bildirilir ki, o, uzun illərdir avtomobil alqı-satqısı sahəsində fəaliyyət göstərir və bir neçə ictimai iaşə obyektinə sahibdir. Bu səbəbdən sosial şəbəkələrdə səsləndirilən ehtimallardan biri də Hamlet Vəlizadənin təqdim olunan bizneslərinin ailə biznesi ilə əlaqəli ola biləcəyidir.
Müzakirələrə səbəb olan digər məqam isə doğum günündə iştirak edən qonaqlardır. Tədbirdə "TikTok"un məşhur simalarının yer aldığı görünür. Onların arasında "Velizar" ləqəbi ilə tanınan Salman Məmmədov da olub.
Xatırladaq ki, Salman Məmmədov bu ilin fevral ayında hüquq-mühafizə orqanları tərəfindən saxlanılmışdı. Onun barəsində İnzibati Xətalar Məcəlləsinin internet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi ilə bağlı maddəsi üzrə inzibati protokol tərtib edilmiş, məhkəmənin qərarı ilə inzibati qaydada həbs edilmişdi.
Bundan əlavə, son günlər "Velizar"ın "TikTok" üzərindən açdığı canlı yayımları da müzakirə mövzusuna çevrilib. Sosial şəbəkələrdə həmin yayımları eyni anda 80 minə yaxın istifadəçinin izlədiyi iddia olunur. Bu rəqəmlərin həqiqiliyi, auditoriyanın formalaşma mexanizmi və platformada izləyici statistikalarının etibarlılığı barədə müxtəlif suallar səsləndirilir.
Məsələ ilə bağlı qarşı tərəfin mövqeyini dərc etməyə hazırıq.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri