İki həmyaşıdının hücumuna məruz qalan yeniyetmənin anası övladı ilə bağlı ədalətli qərarın verilməsini istəyir

Bakının Binəqədi rayonunda yeniyetməyə qarşı amansızlıq törədilib.Hadisə 9-cu mikrarayon ərazisində, yaşayış binalarının həyətində yerləşən stadionda qeydə alınıb.Belə ki, stadiondakı 14 yaşlı məktəbli səbəbsiz yerə iki həmyaşıdının hücumuna məruz qalıb.

Məsələ ilə bağlı Sonxeber.az-a müraciət edən zərər çəkmiş yeniyetmənin anası bildirib.

Ana qeyd edib ki, hücum edənlərdən biri Sahil adlı şəxs əlindəki kəsici alətlə yeniyetməyə 35 zərbə endirib:

"Ölüm qorxusu yaşayan məktəblinin əlləri ilə özünü müdafiə etməsi nəticəsində məhz o həyatını xilas edə bilib.Ağır xəsarətlərlə xəstəxanaya çatdırılan zərərçəkən təcili əməliyyata götürülüb.Hətta zərbələr o dərəcədə güclü olub ki, gənc oğlanın barmağındakı vətərlər qırılb.Həkimlərdən isə azyaşlının gələcək sağlamlığı ilə bağlı heç bir zəmanət yoxdur. Onun barmaqlarının tam açılıb-açılmayacağı və gələcəkdə sağlamlığının tam bərpa ediləcəyi sual altındadır. Hadisəniin ən narahatlıq doğuran tərəfi isə budur ki şübhəli bilinən Sahil və yanındakı digər şəxs hələ də azadlıqdadır".

Ana söyləyib ki, indi məktəblinin ailəsində ciddi xof və narahatlıq yaranıb:

"Çarəsiz ana bildirir ki övladı ağır psixoloji travma alıb və o evdən bayıra çıxa bilmir.Çünki qorxur ki bayırda rahatlıqla gəzən həmin şəxslər ona yenidən hücum edə bilərlər.Hazırda faktla bağlı Binəqədi Rayon Polis İdarəsində araşdırma aparılır. Biz bu məsələnin sıradan bir uşaq davası kimi qələmə verilərək obyektiv araşdırılmadan qapadilmasindan ciddi narahatıq. Ana olaraq Azərbaycan Respublikasının Baş prokuroru cənab Kamran Əliyevdən və Azərbaycan Respublikasının Daxili İşlər naziri general-polkovnik cənab Vilayət Eyvazovdan xahiş edirəm ki, balamı bu vəziyyətə salanlar qanunla layiq olduqları cəzanı alsınlar. Səbirlə ədalətli qərarın verilməsini gözləyirik. Əminəm ki, ədalət öz yerini tapacaq".

Lalə Məmmədova

Telegramda izləyin