Azərbaycanda kommunal xidmətlərin qiymətləri yenidən BAHALAŞA BİLƏR?

Azərbaycanda kommunal xidmətlərin qiymətləri Tarif (qiymət) Şurasının qərarları ilə tənzimlənir. Əhali üçün elektrik enerjisi, təbii qaz, su, istilik və yeni tətbiq olunan sabit abunə haqlarının cari tarifləri həcm limitlərinə görə diferensiallaşdırılıb.

Elektrik Enerjisi Tarifləri (Əhali)0-200 kVt·st istehlak üçün: 8,4 qəpik / kVt·st200-300 kVt·st istehlak üçün: 10 qəpik / kVt·st300 kVt·st-dan çox istehlak üçün: 15 qəpik / kVt·st. Sabit tarif: Hər ay hər bir elektrik sayğacı üçün əhali abonentlərinə 1 manat sabit xərc tətbiq olunur.

Təbii Qaz Tarifləri (Əhali)İllik 0-1200 kubmetr istehlak üçün: 12,5 qəpik / m³İllik 1200-2500 kubmetr istehlak üçün: 22 qəpik / m³İllik 2500 kubmetr-dən çox istehlak üçün: 30 qəpik / m³Sabit tarif: Hər ay hər bir qaz sayğacı üçün əhali abonentlərindən 1 manat sabit ödəniş alınır.

Su və Tullantı Sularının AxıdılmasıBakı, Sumqayıt, Xırdalan şəhərləri və Abşeron rayonu üzrə: 1 kubmetr üçün 1,00 manatDigər inzibati rayonlar üzrə: 1 kubmetr üçün 0,90 manatSayğac olmadıqda bir nəfər üçün aylıq istehlak norması 5 kubmetr hesab olunur.Mərkəzi İstilik TəchizatıYaşayış sahəsinin hər 1 kvadratmetri üçün aylıq: 0,45 AZNSayğaclı binalarda: 1 Qkal üçün 14,6 manat.

Bu gün müzakirə edilən məsələlərdən biri kommunal xidmətlərin bahalaşmasıdır. Bəzi ekspertlər yaxin vaxtlarda bəzi kommunal xidmətlərin qiymətində artım olacağını ilə bağlı fikirlər səsləndirirlər.

Mövzu ilə bağlı Sonxeber.az-a danışan iqtisadçı ekspert Eldəniz Əmirov bildirib ki, Azərbaycanda kommunal xidmətlərin qiymətləri ilə bağlı son illərdə bir neçə tarif dəyişikliyi olub:

"Hazırkı vəziyyətdə əsas dəyişikliklər elektrik enerjisi və təbii qaz üzrə tariflərə, həmçinin bəzi kommunal xidmətlərin qoşulma və sabit ödənişlərinə aiddir. Tarif Şurasının rəsmi məlumatlarında kommunal ödənişlərə elektrik, qaz, su, istilik və məişət tullantıları daxildir.

Azərbaycan həm daxili tələbatı tam ödəyir, həm də elektrik enerjisini xarici bazarlara ixrac edir:Hazırda elektrik enerjisi 2026-cı ilin yanvarın 1-dən əhali üçün aylıq 1 manat sabit tarif tətbiq olunmağa başlayıb.

Təbii qaz üzrə 2025-ci ilin əvvəlindən istehlak pillələri üzrə tariflərdə dəyişiklik edilmişdi; 2026-cı ildən isə qaz təchizatı üzrə də sabit tarif mexanizmi tətbiq edilir. Su və digər xidmətlər üçün yeni su təchizatı, tullantı sularının idarə olunması, istilik və məişət tullantıları üzrə də müxtəlif tariflər mövcuddur və bəzi xidmətlərin qoşulma haqları müəyyənləşdirilib".

Ekspert vurğulayıb ki, bahalaşma əsasən sosial təminatı aşağı olan ailələrə mənfi təsiri göstərir. Ümumilikdə isə kommunal tariflərin artması ilk növbədə ailələrin aylıq xərclərini yüksəldə bilər. Xüsusilə çox elektrik və qaz istifadə edən ailələrdə bu təsir daha çox hiss olunur. Kommunal xərclərin artması nəqliyyat, ərzaq və digər gündəlik xərclərlə birlikdə ailə büdcəsinə əlavə yük yarada bilər.Digər tərəfdən, tarif dəyişikliklərinin əsas məqsədlərindən biri kommunal xidmətlərin maliyyə dayanıqlığını təmin etmək, infrastrukturun yenilənməsinə və xidmət keyfiyyətinin yaxşılaşdırılmasına imkan yaratmaqdır.

Bahalaşmanın təsirini azaltmaq və az gəlirli ailələrin əlavə yükünü azaltmaq üçün ehtiyacı olan ailələrə ünvanlı sosial dəstək artırılması vacibdir. Kommunal tariflərdə sosial həssas qruplar üçün güzəştlər nəzərdən keçirilə bilər.Enerji səmərəliliyini artıran layihələr genişləndirilməlidir. Tarif dəyişiklikləri barədə əhaliyə daha aydın məlumat verilməlidir. Yəni kommunal xidmətlərin bahalaşması yalnız qiymət məsələsi deyil, həm də ailələrin sosial müdafiəsi və yaşayış xərclərinin idarə olunması məsələsidir. Ümumilikdə isə bu gün kommunal xidmətlər üzrə tariflərin artırılması üçün hər hansı obyektiv iqtisadi zərurət yoxdur".

Telegramda izləyin