Regionun gələcək inkişaf istiqamətlərini müəyyən edən tarix

Regionun gələcək inkişaf istiqamətlərini müəyyən edən tarixAvqustun 8-i Azərbaycanın müasir diplomatiya salnaməsinə, eləcə də Cənubi Qafqazın yeni geostrateji arxitekturasına qızıl hərflərlə yazılmış tarixi dönüş nöqtələrindən biridir. Prezident İlham Əliyevin Amerika Birləşmiş Ştatlarına reallaşan mühüm səfəri və Vaşinqtonda Ermənistanla sülh memorandumunun imzalanmasının ildönümü regionda onilliklər boyu davam edən mürəkkəb münaqişəyə son qoyan, Cənubi Qafqazı gərginlik ocağından dinc inkişaf və qlobal əməkdaşlıq məkanına çevirən müstəsna diplomatik Zəfər günü kimi xatırlanır. Bu tarixi səfərin nəticələrinin yenidən gündəmə gətirilməsi və dərin analitik təhlillərin aparılması göstərir ki, Azərbaycan dövlətinin irəli sürdüyü sülh konsepti yalnız iki ölkə arasında münasibətlərin tənzimlənməsi deyil, bütövlükdə Avrasiya məkanında təhlükəsizlik və inteqrasiya dinamikasını dəyişən qlobalmiqyaslı hadisədir.

Prezident İlham Əliyevin rəhbərliyi ilə 44 günlük Vətən müharibəsi və 2023-cü ilin sentyabrında həyata keçirilən lokal antiterror tədbirləri ilə Azərbaycan suverenliyini və ərazi bütövlüyünü tam bərpa edərək, cəbhədə qazanılmış möhtəşəm hərbi Zəfəri diplomatik müstəvidə də mütləq siyasi qələbə ilə taclandırdı. Cənubi Qafqazda yaranmış yeni status-kvonun yeganə və suveren müəllifi olan Azərbaycan dövlətinin başçısı müharibə başa çatandan dərhal sonra revanşizmə, kənar güclərin zərərli müdaxilələrinə yer qoymayan, gələcəyə hesablanmış dayanıqlı sülh gündəliyini müəyyən etdi. Şanlı Qələbədən sonra Azərbaycanın təkbaşına irəli sürdüyü beş fundamental prinsip - dövlətlərin suverenliyi və ərazi bütövlüyünün qarşılıqlı tanınması, bir-birinə qarşı ərazi iddialarından rəsmən imtina olunması, dövlət sərhədlərinin delimitasiyası və demarkasiyası, nəqliyyat və kommunikasiya xətlərinin tam açılması, eləcə də digər qarşılıqlı maraq doğuran sahələrdə əməkdaşlığın qurulması sülh prosesinin təməl sütununa çevrildi. Beynəlxalq hüququn aliliyini özündə əks etdirən bu prinsiplər sübut etdi ki, regiona gətirilən sülh təşəbbüsü, onun hüquqi və fəlsəfi məzmunu tamamilə Azərbaycana və Prezident İlham Əliyevin sarsılmaz siyasi iradəsinə mənsubdur.

Vaşinqtonda imzalanmış sənədlər iki dövlət arasında onilliklər boyu davam edən düşmənçilik səhifəsini rəsmən bağladı, tərəflərin bir-birinin suverenliyini və ərazi bütövlüyünü yekun olaraq tanımasını beynəlxalq hüquq müstəvisində təsbit etdi. Səfər çərçivəsində təməli qoyulan və xüsusi diqqət mərkəzində duran TRlPP layihəsi regionun iqtisadi və logistik xəritəsini köklü şəkildə yenilədi. Bu transmilli layihə Cənubi Qafqazın nəqliyyat-logistika imkanlarını vahid şəbəkədə birləşdirərək Şərq-Qərb və Şimal-Cənub dəhlizlərinin keçiricilik qabiliyyətini və effektivliyini dəfələrlə artırdı, blokada şəraitində qalmış kommunikasiyaların açılmasını təmin etdi, eyni zamanda, regiona nəhəng xarici sərmayələrin axınına və minlərlə yeni iş yerinin yaradılmasına zəmin hazırladı.

Prezident İlham Əliyevin sərkərdəliyi və diplomatik dühası ilə bərqərar olan bu sülh, hər şeydən əvvəl Cənubi Qafqazda tarixi ədalətin tam və qəti bərpa olunması deməkdir. Münaqişə ocağı reputasiyasından tamamilə azad olan region artıq qlobal enerji təhlükəsizliyinin, dayanıqlı yükdaşımaların və qarşılıqlı faydalı iqtisadi tərəfdaşlığın mərkəzi kimi tanınır. Sülhün bəxş etdiyi üstünlüklər həm Azərbaycan, həm Ermənistan, həm də bütün qonşu dövlətlər üçün misilsiz imkanlar açır. Azərbaycan özünün iqtisadi, siyasi və hərbi qüdrətini daha da möhkəmləndirir, Ermənistan isə regional təcriddən qurtularaq dinc qonşuluq siyasətinin iqtisadi dividendlərindən yararlanmaq şansı əldə edir. Kənar güclərin regiona təxribatçı müdaxilə cəhdlərinin qarşısını alan yeni regional təhlükəsizlik modeli məhz Azərbaycan Prezidentinin polad iradəsi və dərin analitik təfəkkürünün məhsuludur.

8 avqust Vaşinqton səfəri və imzalanan sülh memorandumu Prezident İlham Əliyevin hərbi müstəvidə qazandığı Zəfəri böyük diplomatik qələbə ilə tamamlayaraq Cənubi Qafqaza əbədi sülh, sabitlik və tərəqqi gətirən mühüm tarixi hadisə kimi Azərbaycan tarixinə həkk olunub. Bu gün Vaşinqton Sammitinə nəzər salarkən əsas nəticə daha aydın görünür: Azərbaycan təkcə müharibənin qalibi olmadı, həm də sülh gündəliyini və regionun gələcək inkişaf istiqamətlərini müəyyən edən dövlətə çevrildi.

Tufan Məmmədov - iqtisadçı ekspert


Sonxeber.az
Telegramda izləyin
Sosial   Baxılıb: 348   Tarix: 10 avqust 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA

Kirayə münasibətlərində ev sahiblərinin üzləşdiyi problemlərdən biri də müqavilənin müddəti başa çatdıqdan və ya kirayə haqqı ödənilmədikdən sonra kirayəçinin mənzili boşaltmaqdan imtina etməsidir. Belə hallarda mülkiyyətçilər həm əmlak hüquqlarını qorumaq, həm də qanun çərçivəsində hərəkət etmək məcburiyyətind

17 noyabr
.

Azərbaycanda Milli Dirçəliş Günüdür

Bu gün - noyabrın 17-si Azərbaycanda Milli Dirçəliş Günüdür. Bayram 1988-ci ilin noyabr-dekabrında Bakıda başlayan milli-azadlıq hərəkatı ilə bağlıdır. Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkü

17 noyabr
.

"20 Yanvar"da qəza - Motosikletçi öldü

Bakıda ölümlə nəticələnən yol qəzası baş verib. APA-ya istinadən xəbər verir ki, hadisə metronun "20 Yanvar" stansiyasının yaxınlığında qeydə alınıb. Hadisə zamanı avtomobil motosikletlə toqquşub. Nəticədə motosikleti idarə edən şəxs hadisə yerində ölüb

17 noyabr
.

Milli teleradio: Dövlətçilik ənənələrinin, milli kimliyin və Azərbaycan həqiqətlərinin təbliğində strateji vasitə

"Azərbaycan Respublikasının Prezidenti İlham Əliyevin milli radio və televiziya yayımının yubileyi münasibətilə ünvanladığı müraciət ölkəmizin informasiya siyasətinin əsas istiqamətlərini, milli medianın cəmiyyət və dövlət qarşısındakı məsuliyyətini, eləcə də müasir dövrdə informasiya təhlükəsizliyini

16 noyabr
.

Bu hərbçilərin həyat yoldaşlarına müavinət ödənilməsi təklif olunur

Yeni xidmət yerinə köçən hərbçilərin həyat yoldaşlarına minimum əməkhaqqı məbləğində müavinət ödənilməsi təklif olunur. Bunu APA-ya açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev bildirib. Arzu Nağıyev deyib ki, bununla bağlı "Hərb

17 noyabr
.

Milli teleradio ənənələri və dövlətçilik ideologiyası: Azərbaycan mediasının qarşısında duran yeni vəzifələr

Azərbaycanın milli dövlətçilik tarixində radio və televiziya yalnız informasiya yayımı vasitəsi deyil, həm də xalqın milli-mənəvi dəyərlərinin qorunması, tarixi yaddaşının yaşadılması və dövlətçilik ideologiyasının möhkəmləndirilməsi baxımından mühüm ictimai institutlardır. Prezident İlham Əliyevin Azərbayca

16 noyabr
.

Milli Məclis gələn ilin büdcə zərfini I oxunuşda müzakirə edir

Milli Məclisin bu gün keçirilən plenar iclasında gələn ilin büdcə zərfi, o cümlədən "2027-ci il dövlət büdcəsi haqqında" qanun layihəsi müzakirəyə çıxarılıb. xəbər verir ki, gələn il büdcənin gəlirləri 39 milyard 254 milyon manat (o cümlədən mərkəzləşdirilmiş gəlirləri 38 milyard 518 milyo

16 noyabr
.

Direktorların işə qəbul nəticələri - Açıqlandı

2026-cı ildə keçirilmiş direktorların işə qəbulu müsabiqəsinin nəticələri elan edilib. "Qafqazinfo" xəbər verir ki, bu barədə MÜTDA məlumat yayıb. Bildirilib ki, müsabiqədə müəyyən edilmiş tələblərə cavab verən 463 nəfər uğur qazanıb. Namizədlərin müsabiqə nəticələri barədə məlumatlar onları

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr