Bu tarixdən kirayə mənzil bazarında qiymətlər BAHALAŞACAQ
Son günlər Bakıda kirayə mənzil bazarında tələbə axınının təsiri ilə canlanma müşahidə olunur. Xüsusilə universitetlərə və metro stansiyalarına yaxın ərazilərdə tələbin artması qiymətlərin yenidən yüksəlməsi ehtimalını gündəmə gətirib. Ekspertlər də ənənəvi olaraq avqustun sonu və sentyabrın əvvəllərini kirayə bazarının ən aktiv dövrü hesab edirlər.
Bəs, hazırda kirayə qiymətləri hansı istiqamətdə dəyişir və avqust-sentyabr aylarında daha ciddi bahalaşma gözlənilirmi?
Məsələ ilə bağlı Sonxeber.az-a açıqlama verən əmlak məsələləri üzrə ekspert Elnur Azadov bildirib ki, tələbə axını ilə bağlı kirayə mənzillərin qiymətləri hər il avqust ayında, adətən ayın 15-dən sonra artmağa başlayır. Hazırda ayrı-ayrı mənzillərdə qiymət artımı müşahidə olunsa da, bazarda kütləvi bahalaşma hələ qeydə alınmır.
"Əsas tələbə axınının isə avqustun 15-20-dən sonra başlaması gözlənilir. Bu səbəbdən həmin tarixlərdən sonra kirayə mənzillərə tələbatın artacağı və bunun da qiymətlərə təsir edəcəyi ehtimal olunur. Yəni bu il də tələbələrin Bakıya gəlişi ilə əlaqədar kirayə mənzil bazarında müəyyən qiymət artımının olması gözlənilir. Son illərdə bəzi tələbələr kirayə mənzillərlə bağlı bu problemlə üzləşməmək üçün qaldıqları evləri daha uzun müddətə, hətta yay aylarında belə saxlayırlar. Belə ki, tələbələr tətil müddətində öz evlərinə və ya yaşadıqları bölgələrə getsələr də, növbəti tədris ilində yenidən ev axtarmaq, daha yüksək qiymətlərlə qarşılaşmaq və uyğun mənzil tapmaq problemi yaşamamaq üçün kirayədə qaldıqları mənzili üzərlərində saxlamağa üstünlük verirlər".
Ekspert bildirib ki, bu hal yay aylarında kirayə bazarında boş mənzillərin sayının azalmasına səbəb olur:
"Əvvəlki illərlə müqayisədə bəzi mənzillərin uzun müddətə kirayə verilməsi və tələbələrin mövcud evlərini qoruyub saxlaması bazara çıxarılan mənzillərin sayını azaldır. Nəticədə yeni tədris ili ərəfəsində kirayə ev axtaran tələbələrin qarşısında həm seçim imkanları azalır, həm də tələbatın artması qiymətlərin yüksəlməsinə şərait yaradır. Beləliklə, tələbələrin bir qismi artıq kirayə mənzilləri əvvəlcədən saxlayaraq həm gələcəkdə yarana biləcək qiymət artımından qorunmağa, həm də tədris ili başlayanda ev tapmaq problemi yaşamamağa çalışır. Əsas tələbə axınının avqustun ikinci yarısından etibarən artması ilə bazarda bu tendensiyanın daha qabarıq şəkildə özünü göstərməsi gözlənilir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rəşid Mahmudovun evində partlayış baş verib?
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri